قازقستان میں بحریہ کی تربیتی مشق کے دوران حادثہ پیش آنے پر وزارتِ داخلہ نے فرسٹ ڈپٹی کمانڈر سمیت وزارتِ دفاع کے 5 افسران کو گرفتار کر لیا۔
کینیڈا کے صوبے کیوبیک میں ہیلی کاپٹر حادثے کے نتیجے میں چار افراد ہلاک ہو گئے۔ حادثہ مونٹریال سے تقریباً 50 کلومیٹر جنوب مشرق میں واقع سینٹ بریجید-ڈی آئیبرویل کے علاقے میں پیش آیا، جس کے بعد ہیلی کاپٹر آگ کی لپیٹ میں آگیا۔
ترکیہ میں حضرت نوحؑ کی کشتی سے منسوب دوروپینار فارمیشن پر زیرِ زمین ڈرون اور کور ڈرلنگ سے تحقیق جاری، 18 میٹر گہرائی سے نامیاتی مواد کے نمونے حاصل کرلیے گئے۔
وزیراعظم شہباز شریف نے اقوام متحدہ کی جنرل اسمبلی سے خطاب میں حرمین شریفین کی سلامتی، مکہ مکرمہ، مشرق وسطیٰ، کشمیر اور غزہ سمیت اہم امور پر پاکستان کا مؤقف پیش کیا، جبکہ ڈونلڈ ٹرمپ نے ان کی تقریر کا 87 سیکنڈ کا کلپ Truth Social پر شیئر کردیا۔
امریکا اور ایران کے مذاکرات کار نیویارک میں جنگ کے خاتمے کے لیے مرحلہ وار معاہدے پر غور کر رہے ہیں، جس میں آبنائے ہرمز کھولنے اور ایران پر امریکی اقتصادی ناکہ بندی ختم کرنے کی تجویز شامل ہے۔
عراق کے نجف انٹرنیشنل ایئرپورٹ نے ایران سے آنے اور ایران جانے والی تمام پروازیں تاحکم ثانی معطل کردیں، جس سے دونوں ملکوں کے درمیان فضائی رابطہ متاثر ہونے کا امکان ہے۔
وزیراعظم شہباز شریف نے نیویارک میں پرنس رحیم آغا خان پنجم سے ملاقات کی اور ترقی کے مشترکہ مقاصد کے حصول کے لیے ان کے قریبی تعاون جاری رکھنے کے عزم کو سراہا۔ وزیراعظم نے اسماعیلی برادری کی دیرینہ خدمات کو خراجِ تحسین پیش کیا اور پرنس رحیم آغا خان کو پاکستان کے باقاعدگی سے دورے کی دعوت بھی دی۔
سعودی عرب پر حوثی حملوں کے بعد مکہ مشترکہ دفاعی معاہدے کے تحت سعودی عرب، ترکیہ اور پاکستان کے اعلیٰ فوجی حکام کا ہنگامی اجلاس طلب کر لیا گیا ہے۔ نیویارک میں تینوں ممالک کے وزرائے خارجہ نے مکہ اور سعودی تنصیبات پر حملوں کی شدید مذمت کرتے ہوئے سعودی عرب کے دفاع کے حق کی حمایت کی۔
وزیرخارجہ اسحاق ڈار، سعودی وزیر خارجہ شہزادہ فیصل بن فرحان اور ترک وزیر خارجہ حاقان فیدان نے نیویارک میں ملاقات کی، جس میں مکہ دفاعی معاہدے کے تحت ادارہ جاتی ڈھانچے کے قیام کی جانب پیشرفت کا جائزہ لیا گیا اور علاقائی و بین الاقوامی سلامتی کے امور پر تبادلہ خیال کیا گیا۔
وزیراعظم شہباز شریف نے نیویارک میں امریکا کی بزنس کونسل فار انٹرنیشنل انڈر اسٹینڈنگ اور امریکا پاکستان بزنس کونسل کے وفود سے ملاقات کی۔ انہوں نے پاکستان کی سرمایہ کاری دوست پالیسیوں کو اجاگر کرتے ہوئے کہا کہ پاکستان خطے میں امن کے قیام کے لیے اپنا بھرپور کردار ادا کر رہا ہے۔
وزیراعظم شہباز شریف نے نیویارک میں ایرانی صدر مسعود پزشکیان سے ملاقات کی، جس میں مکہ دفاعی معاہدے، اسلام آباد مفاہمتی یادداشت، علاقائی امن اور کشیدگی میں کمی پر بات چیت ہوئی۔
چین کے صدر شی جن پنگ امریکا کے 3 روزہ دورے پر پہنچ گئے، جہاں صدر ڈونلڈ ٹرمپ اور خاتونِ اول نے میری لینڈ کے جوائنٹ بیس اینڈریوز پر 100 فٹ طویل ریڈ کارپٹ پر ان کا استقبال کیا۔ توپوں کی سلامی، قومی ترانوں اور طیاروں کے فلائی پاسٹ کے ساتھ یہ استقبال 11 سال بعد اس نوعیت کا پہلا موقع ہے۔
برطانوی رائل ائیرفورس کا ہاک ٹی 2 جنگی طیارہ اینگلسی میں واقع آر اے ایف ویلی اسٹیشن سے تربیتی پرواز کے دوران زمین پر آ گرا۔ طیارے میں سوار دونوں پائلٹ نکلنے میں کامیاب ہوئے اور معمولی زخمی ہوئے، جبکہ آر اے ایف نے احتیاطی طور پر ہاک ٹی 1 اور ٹی 2 طیاروں کے آپریشنز عارضی طور پر روک دیے ہیں۔
وزیراعظم شہباز شریف نے نیویارک میں آئی ایم ایف کی منیجنگ ڈائریکٹر کرسٹالینا جارجیوا سے ملاقات کی، جس میں معیشت مستحکم بنانے اور اصلاحات آگے بڑھانے کے پختہ عزم کا اظہار کیا گیا۔ جارجیوا نے پاکستان کی معاشی کارکردگی اور اصلاحات پر عمل درآمد کو سراہا۔
وزیراعظم شہباز شریف نے نیویارک میں کویت کے ولی عہد، آسٹریا کے چانسلر، صومالیہ اور کینیا کے صدور سے ملاقاتیں کیں۔ بل اینڈ میلنڈا گیٹس فاؤنڈیشن کے چیئرمین بل گیٹس سے ملاقات میں پولیو کے خاتمے، صحت اور مصنوعی ذہانت کے شعبوں میں تعاون بڑھانے پر گفتگو ہوئی۔
وزیراعظم شہباز شریف کی بوسنیا و ہرزیگووینا کے صدارتی کونسل کے چیئرمین ڈاکٹر ڈینس بیچیرووچ سے ملاقات میں دوطرفہ تعلقات، تجارت اور علاقائی و عالمی امور پر تبادلہ خیال ہوا۔ بوسنیائی رہنما نے پاکستان کے ثالثی کردار اور سندھ طاس معاہدے پر پاکستان کے مؤقف کی مکمل حمایت کا اظہار کیا۔
96 ویں سعودی قومی دن کے موقع پر پاکستان اور سعودی عرب کے دیرینہ تعلقات پر ایک نظر، جو سفارتی و ثقافتی روابط سے آگے بڑھ کر فوجی تربیت، دفاعی تعاون اور سٹریٹجک شراکت داری تک وسعت اختیار کر چکے ہیں۔ مکہ مشترکہ دفاعی معاہدے نے اس تعلق کو مزید تقویت دی ہے۔
دبئی کی زعبیل گرینڈ مسجد میں شیخ احمد بن راشد آل مکتوم کی نماز جنازہ ادا کی گئی، شیخ محمد بن راشد اور دیگر اہم شخصیات نے شرکت کی۔
اٹلی کی وزیراعظم جارجیا میلونی نے اسکولوں میں غیر ملکی طلبہ کی تعداد محدود کرنے اور برقع و نقاب پر پابندی کی قانون سازی کا اعلان کردیا۔
پاکستان اور سعودی عرب نے سفارتی اور سرکاری خصوصی پاسپورٹ رکھنے والوں کے لیے ویزے کی شرائط کے خاتمے کے معاہدے پر دستخط کر دیے۔ وزیر خارجہ اسحاق ڈار نے نیویارک میں سعودی ہم منصب شہزادہ فیصل بن فرحان سے ملاقات میں دوطرفہ تعلقات پر بھی تبادلہ خیال کیا۔
وزیراعظم شہباز شریف اقوام متحدہ کی جنرل اسمبلی میں شرکت کے لیے نیویارک پہنچ گئے۔ وہ 25 ستمبر کو خطاب کرتے ہوئے علاقائی و عالمی سلامتی، مقبوضہ کشمیر اور فلسطین سمیت اہم امور پر پاکستان کا مؤقف پیش کریں گے۔
امریکی صدر ڈونلڈ ٹرمپ نے AI فورس بنانے اور نئے AI Czar کی تقرری کا اعلان کردیا، تاہم نئی فورس کے دائرہ کار اور اختیارات کی تفصیلات تاحال واضح نہیں۔
پاکستان اور چین نے مشترکہ سرحدی کمیشن فعال کردیا، اسلام آباد نے اسے سرحدی انتظام، تجارت اور رابطوں کے لیے اہم قدم قرار دیا جبکہ بھارت نے اقدام مسترد کردیا۔
محسن نقوی تہران پہنچ گئے جہاں ایرانی وزیر داخلہ اسکندر مومنی نے ان کا استقبال کیا۔ ذرائع کے مطابق ایرانی اعلیٰ قیادت سے ملاقاتوں میں خطے کی صورتحال اور باہمی دلچسپی کے امور زیر بحث آئیں گے۔
حوثیوں نے دعویٰ کیا ہے کہ سعودی عرب نے یمن کے مختلف علاقوں میں 24 گھنٹوں کے دوران 28 فضائی حملے کیے، جبکہ امریکی سی آئی اے ڈائریکٹر جان ریٹکلف قاہرہ پہنچ گئے ہیں۔
| فجر | 04:51 AM |
| طلوع آفتاب | 06:14 AM |
| ظہر | 11:53 AM |
| عصر | 03:06 PM |
| مغرب | 05:33 PM |
| عشاء | 06:56 PM |