امریکا، ڈنمارک اور گرین لینڈ کے درمیان سکیورٹی معاہدہ طے پاگیا، ٹرمپ نے گرین لینڈ کی سکیورٹی پر مستقل امریکی کنٹرول کا دعویٰ کیا جبکہ ڈنمارک نے خودمختاری برقرار رہنے کی بات کی۔
بحیرہ عرب میں بھارتی اور پاکستانی بحری جہازوں کے تصادم کے بعد دونوں ممالک نے ایک دوسرے کے سفارتی حکام کو طلب کرلیا۔ بھارت اور پاکستان نے واقعے کا ذمہ دار ایک دوسرے کو قرار دیتے ہوئے 1991 کے معاہدے کا حوالہ دیا۔
امریکی سینیٹ میں Digital Asset Market Clarity Act کو آگے بڑھانے کے لیے مطلوبہ 60 ووٹ حاصل نہ ہوسکے۔ ریپبلکن اور ڈیموکریٹس کے اختلافات کے باعث قانون سازی رک گئی، جبکہ بٹ کوائن کی قیمت تقریباً 5 فیصد کم ہوگئی۔
سعودی عرب نے دعویٰ کیا ہے کہ حوثیوں کی جانب سے مکہ مکرمہ کی سمت بھیجا گیا ڈرون مار گرایا گیا، تاہم حوثیوں نے الزام مسترد کردیا۔ خطے میں کشیدگی کے دوران سعودی تیل لوڈنگ اور ایران چین سفارتی رابطے بھی اہم پیش رفت ہیں۔
رائٹرز کے مطابق سعودی عرب نے یورپی صارفین کو ستمبر کے کچھ خام تیل کارگو منسوخ کرنے سے آگاہ کردیا، جبکہ ینبع سے تیل کی لوڈنگ بھی معطل ہونے کی اطلاع ہے۔
امریکی محکمہ دفاع کے انسپکٹر جنرل کی رپورٹ کے مطابق آپریشن ایپک فیوری کے دوران 11 امریکی فوجی جنگی کارروائیوں میں ہلاک اور 417 زخمی ہوئے، جبکہ متعدد جنگی طیارے، ہیلی کاپٹرز اور تقریباً 30 MQ-9 طرز کے ڈرونز بھی ضائع ہوئے۔ دوسری جانب ایرانی پاسداران انقلاب نے امریکی ڈرونز مار گرانے کا دعویٰ کیا ہے۔
سعودی عرب نے مدینہ ریجن کے جبل سید منصوبے میں تقریباً 110 ملین ٹن معدنی ذخائر دریافت کرنے کا اعلان کیا ہے، جن میں بھاری نایاب ارضی عناصر اور یورینیم کی امید افزا مقدار شامل ہے۔
بھارتی وزارتِ دفاع کی Annual Report 2025-26 میں دعویٰ کیا گیا ہے کہ S-400 نے آپریشن سندور کے دوران 314 کلومیٹر دور پاکستانی Special Mission Aircraft کو تباہ کیا، تاہم واقعے کے کئی اہم تکنیکی اور آزاد شواہد تاحال سامنے نہیں آئے۔
جنوبی ایران میں امریکی ایف-15 ای جنگی طیارہ مار گرائے جانے کے بعد امریکی فضائیہ کا اہلکار ’’براوو‘‘ شدید زخمی حالت میں تقریباً 50 گھنٹے ایرانی پہاڑی علاقے میں چھپا رہا۔ پیراشوٹ خراب ہونے کے باعث وہ تیز رفتاری سے زمین پر گرا اور کمر، کندھے، بازو اور دیگر حصوں پر شدید چوٹیں آئیں۔ امریکی فورسز نے خفیہ معلومات، فضائی حملوں اور خصوصی ریسکیو ٹیموں کی مدد سے بالآخر اسے ایرانی سرزمین سے بحفاظت نکال لیا۔
شمالی کوریا نے سمندر کی جانب متعدد شارٹ رینج بیلسٹک میزائل فائر کردیے، جنوبی کوریا اور امریکا نے لانچنگ کی نگرانی کی جبکہ سیئول میں ہنگامی اجلاس طلب کرلیا گیا۔
ایران اور خلیجی ممالک کے درمیان آبنائے ہرمز کی صورتحال پر آج عمان میں ہونے والا اہم اجلاس ملتوی کردیا گیا، عمان کا کہنا ہے کہ نئی تاریخ بعد میں طے کی جائے گی۔
نئی دہلی میں برکس اجلاس کے پہلے روز جاری مشترکہ اعلامیے میں مشرق وسطیٰ کی جنگ پر تشویش کا اظہار کرتے ہوئے تمام فریقوں سے زیادہ سے زیادہ تحمل اور کشیدگی بڑھانے والے اقدامات سے گریز کا مطالبہ کیا گیا ہے۔
وزیراعلیٰ پنجاب مریم نواز کی صاحبزادی ماہ نور صفدر کا اذان جبار سے نکاح جاتی امرا میں ہوگیا، تقریب میں شریف خاندان اور قریبی عزیز و اقارب نے شرکت کی۔
الجزائر نے متحدہ عرب امارات سے سفارتی تعلقات ختم کرنے کا اعلان کر دیا ہے۔ الجزائر کی وزارتِ خارجہ کے مطابق یہ فیصلہ امارات کے مبینہ اشتعال انگیز اور دشمنانہ اقدامات کے بعد کیا گیا۔ اماراتی سفیر کو فیصلے سے آگاہ کرتے ہوئے 48 گھنٹے کی مہلت دی گئی، جبکہ الجزائر نے اماراتی رجسٹرڈ طیاروں کے لیے فضائی حدود بند کرنے کا بھی اعلان کیا ہے۔
اردن کے مواقق السلطی ایئربیس پر ایرانی حملے میں تقریباً 8 ایف-15 جنگی طیاروں کو معمولی نقصان پہنچا جبکہ ایک اے-10 تھنڈر بولٹ شدید متاثر ہوا، امریکی فورسز نے دفاع میں 30 سے زائد پیٹریاٹ میزائل فائر کیے۔
سعودی عرب پر یمنی حوثیوں کے حالیہ حملوں کے بعد پاکستان نے ایران کو واضح پیغام پہنچاتے ہوئے حوثیوں کو سعودی سرزمین پر حملوں سے روکنے کے لیے اپنا اثرورسوخ استعمال کرنے پر زور دیا ہے۔ رائٹرز کے مطابق پاکستان، سعودی عرب اور ترکیے کے دفاعی تعاون کے تناظر میں اسلام آباد نے واضح کیا ہے کہ کسی بھی ممکنہ فوجی کردار کا دائرہ سعودی سرزمین کے دفاع تک محدود رہے گا
برطانیہ نے مقبوضہ مغربی کنارے میں اسرائیلی آبادکاری اور غیر قانونی بستیوں کے خلاف سخت اقدامات کا اعلان کردیا۔ برطانوی وزیر خارجہ ایڈ ملی بینڈ نے کہا کہ آبادکاری میں توسیع دو ریاستی حل کے امکانات کو نقصان پہنچا رہی ہے۔ برطانیہ نے غیر قانونی بستیوں سے آنے والی بعض اشیا کی درآمد پر پابندی اور آبادکاری میں معاونت کرنے والی کمپنیوں و افراد کے خلاف کارروائی کا اعلان کیا ہے۔
روس اور شمالی کوریا نے دریائے تومین پر تقریباً ایک کلومیٹر طویل پہلے سڑک پل کا افتتاح کردیا، جو دونوں ممالک کے درمیان زمینی رابطے اور اقتصادی تعاون کو مزید مضبوط کرے گا۔
امریکا میں ڈلاس فورٹ ورتھ سے نیوارک جانے والی پرواز میں 67 سالہ مسافر کے مبینہ طور پر جارحانہ رویے کے بعد ہنگامہ برپا ہوگیا، مسافروں نے اسے قابو کرکے سیٹ سے باندھ دیا جبکہ طیارے کو بالٹی مور ایئرپورٹ پر ہنگامی لینڈنگ کرنا پڑی۔
سری نگر ایئرپورٹ پر ممبئی سے آنے والی انڈیگو ایئرلائن کی پرواز 6E-225 پارکنگ کے دوران ویژول ڈاکنگ گائیڈنس سسٹم کے کھمبے سے ٹکرا گئی، طیارے کے اگلے حصے کو نقصان پہنچا تاہم تمام مسافر محفوظ رہے۔
نیپال میں حالیہ تباہ کن سیلاب کے بعد جاری امدادی کارروائیوں میں بڑی کامیابی سامنے آئی ہے، جہاں ترشولی 3 اے ہائیڈرو پاور منصوبے کی ملبے سے بھری سرنگ سے 9 روز بعد دو افراد کو زندہ نکال لیا گیا۔ ریسکیو ٹیموں کو امید ہے کہ سرنگ کے اندر مزید افراد بھی زندہ موجود ہو سکتے ہیں، جس کے باعث انتہائی خطرناک حالات میں امدادی کارروائی جاری ہے۔
بھارتی فضائیہ کے سابق پائلٹ ابھینندن ورتھمان، جو 2019 کی پاک بھارت فضائی جھڑپ کے دوران پاکستان کی تحویل میں آئے تھے، بھارتی فضائیہ سے ریٹائر ہوگئے ہیں۔ بھارتی میڈیا رپورٹس کے مطابق 22 سالہ عسکری سروس مکمل کرنے کے بعد انہوں نے کمرشل ایوی ایشن کے شعبے میں قدم رکھا اور ایک نجی علاقائی ایئرلائن سے وابستہ ہوگئے ہیں۔
ڈونلڈ ٹرمپ کی تصویر والے ایک ڈالر کے یادگاری سکے جاری کر دیے گئے، جس کے بعد وہ ایک صدی کے دوران امریکی کرنسی پر نظر آنے والے پہلے زندہ صدر بن گئے ہیں۔
وزیراعظم شہباز شریف کرغزستان کا سرکاری دورہ مکمل کرکے پاکستان پہنچ گئے، صدر صادر ژاپاروف نے خود گاڑی چلا کر انہیں ایئرپورٹ پہنچایا اور رخصت کیا۔
وفاقی وزیر داخلہ محسن نقوی نے لندن میں صدر آصف علی زرداری سے ون آن ون ملاقات کی، قومی معاملات اور نئے صوبوں سے متعلق بحث پر تبادلہ خیال کیا گیا۔
| فجر | 04:50 AM |
| طلوع آفتاب | 06:13 AM |
| ظہر | 11:53 AM |
| عصر | 03:06 PM |
| مغرب | 05:34 PM |
| عشاء | 06:57 PM |