آل پاکستان پیٹرول پمپ اونرز ایسوسی ایشن نے حکومت کے ساتھ کامیاب مذاکرات کے بعد ملک گیر ہڑتال مؤخر کر دی۔ وفاقی وزیر پیٹرولیم علی پرویز ملک نے ڈیلرز مارجن سمیت تمام مسائل دو ہفتوں میں حل کرنے کی یقین دہانی کرائی
وزیراعظم شہباز شریف نے انڈس روبوٹکس اینڈ آٹونومس سسٹم ایکسپو سے خطاب کرتے ہوئے کہا کہ معرکہ حق میں پاکستان کی مسلح افواج نے جدید ٹیکنالوجی، سائبر سکیورٹی اور خودمختار نظام کے ذریعے سرحدوں کا مؤثر دفاع کیا۔
منیلا میں آسیان ریجنل فورم کے موقع پر نائب وزیراعظم اسحاق ڈار اور یورپی یونین کی اعلیٰ نمائندہ کایا کالاس نے ملاقات کی، جس میں دونوں فریقین نے اسٹریٹجک شراکت داری، جی ایس پی پلس، تجارت اور علاقائی امن کے لیے تعاون مزید بڑھانے پر اتفاق کیا۔
سکیورٹی فورسز نے فتنہ الخوارج کی مبینہ سہولت کاری کے الزام میں مفتی ظفریاب کو گرفتار کر لیا۔ سکیورٹی ذرائع کے مطابق دوران تفتیش ملزم نے مبینہ طور پر تنظیمی روابط اور دیگر سرگرمیوں سے متعلق اہم انکشافات کیے۔
روئٹرز کے مطابق پاکستان نے زرمبادلہ کے ذخائر بڑھانے اور معیشت کو مستحکم بنانے کیلئے امریکا سے 10 ارب ڈالر کی بیک اسٹاپ فیسلٹی کی درخواست کی ہے۔ اگر منظوری ملتی ہے تو روپے کی قدر، بیرونی ادائیگیوں اور مالی استحکام پر مثبت اثرات مرتب ہو سکتے ہیں۔
وفاقی وزارت خزانہ نے مالی سال 2026-27 کے لیے کفایت شعاری پالیسی برقرار رکھنے کا نوٹیفکیشن جاری کر دیا، جس کے تحت خالی آسامیاں ختم کرنے، نئی بھرتیوں اور سرکاری گاڑیوں کی خریداری پر پابندی برقرار رہے گی۔
آل پاکستان پٹرول پمپس ایسوسی ایشن نے وزارت پیٹرولیم سے مذاکرات ناکام ہونے کے بعد حکومت کے مجوزہ ڈیلی پرائس مکینزم کو مسترد کرتے ہوئے کل رات 12 بجے سے ملک بھر میں غیر معینہ مدت تک پیٹرول پمپ بند رکھنے کا اعلان کر دیا۔
وزیراعظم شہباز شریف سے ایران کے وزیر داخلہ اسکندر مؤمنی نے ملاقات کی، جس میں خلیج میں بڑھتی کشیدگی، پاک ایران تعلقات اور علاقائی امن پر تبادلہ خیال کیا گیا۔ وزیراعظم نے پاکستان کے مخلص ثالث اور سہولت کار کے کردار کو جاری رکھنے کے عزم کا اعادہ کیا۔
چیف الیکشن کمشنر آزاد کشمیر نے عام انتخابات 2026 کے پولنگ شیڈول میں تبدیلی کا اعلان کرتے ہوئے مختلف ڈویژنز کے لیے نئی تاریخیں جاری کر دیں، جبکہ عالمی مبصرین اور صحافیوں کو الیکشن کوریج کی مکمل اجازت دینے کا بھی اعلان کیا گیا۔
خیبرپختونخوا میں شدید بارشوں اور فلش فلڈ کے باعث 48 گھنٹوں کے دوران 12 افراد جاں بحق اور 18 زخمی ہوگئے، جبکہ متعدد اضلاع میں گھروں اور انفراسٹرکچر کو بھی نقصان پہنچا۔
| فجر | 04:24 AM |
| طلوع آفتاب | 05:48 AM |
| ظہر | 12:05 PM |
| عصر | 03:38 PM |
| مغرب | 06:21 PM |
| عشاء | 07:46 PM |
