گلگت بلتستان حکومت سازی کے عمل میں بڑی سیاسی پیشرفت سامنے آگئی، استحکام پاکستان پارٹی کے صدر علیم خان نے بلاول بھٹو زرداری کی پیشکش قبول کرتے ہوئے پیپلز پارٹی کو وزیراعلیٰ، اسپیکر اور دیگر اہم عہدوں کے انتخاب میں مکمل تعاون کی یقین دہانی کرا دی۔
ایرانی صدر مسعود پزشکیان کل پاکستان پہنچیں گے، دورے میں پاکستان کی سفارتی کوششوں اور ایران امریکا مذاکرات میں کردار پر تبادلہ خیال متوقع ہے۔
عاشورہ 2026 تعطیلات کے سلسلے میں وفاقی حکومت نے 25 اور 26 جون کو ملک بھر میں عام تعطیل کا اعلان کر دیا، کیبنٹ ڈویژن نے نوٹیفکیشن جاری کر دیا۔
پاکستان میں 5.4 شدت کا زلزلہ محسوس کیا گیا، جس کے جھٹکے اسلام آباد، خیبر پختونخوا اور پنجاب کے متعدد شہروں میں محسوس ہوئے۔ زلزلے کا مرکز افغانستان کا کوہ ہندوکش ریجن تھا۔
گلگت بلتستان اسمبلی کے 33 میں سے 30 نو منتخب ارکان نے حلف اٹھالیا جبکہ پیپلز پارٹی نے امجد حسین ایڈووکیٹ کو وزیراعلیٰ کے عہدے کے لیے نامزد کردیا ہے۔
برطانوی وزیراعظم کیئر اسٹارمر نے لیبر پارٹی کی قیادت اور وزارتِ عظمیٰ سے مستعفی ہونے کا اعلان کر دیا۔ انہوں نے کہا کہ پارٹی کی خواہش پر قیادت چھوڑ رہے ہیں اور نئے قائد کے انتخاب تک اپنے عہدے پر برقرار رہیں گے۔
اسرائیلی وزیراعظم بنیامین نیتن یاہو نے اعلان کیا ہے کہ اسرائیلی فوج جنوبی لبنان میں سکیورٹی زون میں موجود رہے گی، جبکہ حزب اللہ نے اس فیصلے کو مسترد کرتے ہوئے سخت ردعمل دیا ہے۔
امریکی صدر ڈونلڈ ٹرمپ نے ایران کے معاملے پر اٹلی اور دیگر نیٹو اتحادیوں کو تنقید کا نشانہ بناتے ہوئے کہا کہ امریکا نے برسوں ان کا دفاع کیا لیکن مشکل وقت میں وہ ساتھ نہیں تھے۔
امریکی نائب صدر جے ڈی وینس نے کہا ہے کہ اگر ایران جوہری پروگرام ختم کرے اور خطے میں عدم استحکام پیدا کرنے والی سرگرمیوں سے دستبردار ہو تو امریکا تعلقات کی بحالی کے لیے تیار ہے۔
طوفانی بارش نے ملک کے مختلف علاقوں میں گرمی کا زور توڑ دیا، اسلام آباد، راولپنڈی، مری اور دیگر شہروں میں موسم خوشگوار ہوگیا جبکہ مزید بارشوں کی پیشگوئی بھی کردی گئی ہے۔
