اسلام آباد پولیس میں بڑی انتظامی تبدیلی عمل میں لائی گئی ہے۔ علی ناصر رضوی کو آئی جی اسلام آباد کے عہدے سے تبدیل کرکے ڈی جی این سی سی آئی اے تعینات کردیا گیا، جبکہ چودھری سہیل گجر کو نیا آئی جی اسلام آباد مقرر کیا گیا ہے۔
بے نظیر انکم سپورٹ پروگرام کے ڈیجیٹل والٹ اقدام کے تحت مستحق خواتین کو اب تک 97 لاکھ مفت سمز جاری کی جا چکی ہیں۔ دوسری جانب PTA نے غیر قانونی سم اجرا، شناخت کی چوری اور مالی فراڈ سے بچاؤ کے لیے بائیومیٹرک تصدیق سمیت حفاظتی اقدامات مزید سخت کر دیے ہیں۔
پاکستان میں سونے کی قیمت میں جمعے کو نمایاں کمی ریکارڈ کی گئی۔ فی تولہ سونا 5,600 روپے سستا ہوکر 4 لاکھ 56 ہزار 736 روپے جبکہ 10 گرام سونا 3 لاکھ 91 ہزار 577 روپے کا ہوگیا۔ عالمی مارکیٹ میں بھی سونے کی قیمت 56 ڈالر کم ہوئی۔
الجزائر نے متحدہ عرب امارات سے سفارتی تعلقات ختم کرنے کا اعلان کر دیا ہے۔ الجزائر کی وزارتِ خارجہ کے مطابق یہ فیصلہ امارات کے مبینہ اشتعال انگیز اور دشمنانہ اقدامات کے بعد کیا گیا۔ اماراتی سفیر کو فیصلے سے آگاہ کرتے ہوئے 48 گھنٹے کی مہلت دی گئی، جبکہ الجزائر نے اماراتی رجسٹرڈ طیاروں کے لیے فضائی حدود بند کرنے کا بھی اعلان کیا ہے۔
بانیٔ پاکستان قائداعظم محمد علی جناحؒ کا 78واں یوم وفات آج عقیدت و احترام سے منایا جا رہا ہے۔ گورنر سندھ اور وزیراعلیٰ سندھ نے مزارِ قائد پر حاضری دی، پھولوں کی چادر چڑھائی، فاتحہ خوانی کی اور قائداعظمؒ کی قومی خدمات کو خراج عقیدت پیش کیا۔
پاکستان کرکٹ کے لیجنڈ وسیم اکرم نے ایک بار پھر قومی ٹیم کی مستقل کوچنگ کی ذمہ داری لینے سے معذرت کرلی۔ وسیم اکرم کے مطابق کوچنگ کے دوران شکست کی صورت میں کوچ کو اکثر تنقید کا نشانہ بنایا جاتا ہے جبکہ سوشل میڈیا اور میڈیا کا دباؤ بھی اس کام کو انتہائی مشکل بنا دیتا ہے۔ تاہم سابق فاسٹ باؤلر نے کھلاڑیوں کے ساتھ کیمپس یا ٹورنامنٹس میں کام کرنے کے لیے اپنی آمادگی ظاہر کی ہے۔
پاکستانی شوبز ستاروں میں 1980 کی دہائی کے انداز میں AI تصاویر بنانے کا ٹرینڈ تیزی سے مقبول ہوگیا۔ سبور علی، یاسر حسین اور دیگر فنکاروں نے AI سے تیار کردہ تصاویر شیئر کیں، تاہم صارفین نے تصاویر کے غلط استعمال، ڈیپ فیک، رضامندی اور ذاتی معلومات کی پرائیویسی سے متعلق خدشات کا اظہار کیا۔
پاکستان نیوی کے مطابق سمندر میں سکیورٹی یقینی بنانے کے لیے گشت کی ڈیوٹی انجام دیتے ہوئے دو اہلکار شعیب الرحمٰن اور غفران ناصر شہید ہوگئے۔ چیف آف نیول اسٹاف ایڈمرل نوید اشرف نے اہلکاروں کی شہادت پر گہرے دکھ اور افسوس کا اظہار کیا۔
ایپل نے ستمبر 2026 کے خصوصی لانچ ایونٹ میں اپنا پہلا فولڈ ایبل اسمارٹ فون iPhone Duo متعارف کرا دیا، جبکہ iPhone 18 Pro اور iPhone 18 Pro Max بھی نئی ٹیکنالوجی، بہتر کیمرا، طاقتور پروسیسر اور طویل بیٹری لائف کے ساتھ پیش کیے گئے۔
ایرانی دفاعی کھلاڑی نادر محمدی نے روسی کپ میں ایک بار پھر اپنی منفرد فلپ تھرو اِن سے شائقین کو حیران کردیا، شاندار تھرو سے ٹیم کو فیصلہ کن گول بنانے میں مدد ملی۔
وزیر مملکت برائے خزانہ بلال اظہر کیانی نے کہا ہے کہ پاکستان میں ڈیجیٹل لین دین کرنے والوں کی تعداد 5 لاکھ سے بڑھ کر 20 لاکھ سے تجاوز کر گئی، جبکہ جون 2026 تک مقررہ ہدف بھی حاصل کرلیا گیا۔
اردن کے مواقق السلطی ایئربیس پر ایرانی حملے میں تقریباً 8 ایف-15 جنگی طیاروں کو معمولی نقصان پہنچا جبکہ ایک اے-10 تھنڈر بولٹ شدید متاثر ہوا، امریکی فورسز نے دفاع میں 30 سے زائد پیٹریاٹ میزائل فائر کیے۔
گوادر اور لسبیلہ میں آئی ایس پی آر سمر انٹرن شپ پروگرام 2026 مکمل ہوگیا، اختتامی تقریبات میں طلبہ و طالبات میں سرٹیفکیٹس تقسیم کیے گئے۔
سعودی عرب پر یمنی حوثیوں کے حالیہ حملوں کے بعد پاکستان نے ایران کو واضح پیغام پہنچاتے ہوئے حوثیوں کو سعودی سرزمین پر حملوں سے روکنے کے لیے اپنا اثرورسوخ استعمال کرنے پر زور دیا ہے۔ رائٹرز کے مطابق پاکستان، سعودی عرب اور ترکیے کے دفاعی تعاون کے تناظر میں اسلام آباد نے واضح کیا ہے کہ کسی بھی ممکنہ فوجی کردار کا دائرہ سعودی سرزمین کے دفاع تک محدود رہے گا
برطانیہ نے مقبوضہ مغربی کنارے میں اسرائیلی آبادکاری اور غیر قانونی بستیوں کے خلاف سخت اقدامات کا اعلان کردیا۔ برطانوی وزیر خارجہ ایڈ ملی بینڈ نے کہا کہ آبادکاری میں توسیع دو ریاستی حل کے امکانات کو نقصان پہنچا رہی ہے۔ برطانیہ نے غیر قانونی بستیوں سے آنے والی بعض اشیا کی درآمد پر پابندی اور آبادکاری میں معاونت کرنے والی کمپنیوں و افراد کے خلاف کارروائی کا اعلان کیا ہے۔
وفاقی تعلیمی بورڈ نے انٹرمیڈیٹ پارٹ ون اور پارٹ ٹو کے سالانہ نتائج کا اعلان کردیا، گیارہویں جماعت میں کامیابی کا تناسب 65.31 جبکہ بارہویں جماعت میں 85.95 فیصد رہا
وفاقی دارالحکومت میں شیشہ کیفے چلانے پر تاحکم ثانی مکمل پابندی عائد کردی گئی، ڈپٹی کمشنر اسلام آباد نے تمام اسسٹنٹ کمشنرز کو بلا تفریق کارروائی اور روزانہ انسپکشن کی ہدایت کردی
وفاقی وزیر داخلہ محسن نقوی نے اپ گریڈ کیے گئے تھانہ آبپارہ کا افتتاح کردیا، مختلف شعبوں کا معائنہ کرتے ہوئے شہریوں کو بہتر سہولیات کی فراہمی اور ایف آئی آر کے اندراج میں بلاوجہ تاخیر ختم کرنے کی ہدایت کردی
وفاقی وزیر صحت سید مصطفیٰ کمال نے پمز اسپتال میں 10 فیصد مریضوں سے علاج اور ٹیسٹوں کی فیس وصول کرنے کا نوٹس لے لیا، حکام سے مجموعی رقم کی تفصیلات طلب کرتے ہوئے کہا کہ ضرورت پڑی تو وزیراعظم سے بات کرکے یہ رقم بھی حکومت سے دلوائی جائے گی۔
جماعت اسلامی اور حکومتی ٹیم کے درمیان پٹرولیم لیوی کے معاملے پر مذاکرات شروع ہوگئے، لیاقت بلوچ کی قیادت میں وفد نے حکومت کے سامنے لیوی کا بوجھ کم یا ختم کرنے سے متعلق تجاویز پیش کرنے کا فیصلہ کیا ہے۔
فلمساز سنجے گپتا نے 90 کی دہائی کے ممبئی انڈر ورلڈ کا ذکر کرتے ہوئے بتایا کہ دھمکیوں کے باوجود شاہ رخ خان نے مبینہ طور پر دباؤ قبول کرنے سے انکار کردیا تھا۔
روس اور شمالی کوریا نے دریائے تومین پر تقریباً ایک کلومیٹر طویل پہلے سڑک پل کا افتتاح کردیا، جو دونوں ممالک کے درمیان زمینی رابطے اور اقتصادی تعاون کو مزید مضبوط کرے گا۔
عالمی بلین مارکیٹ میں سونے کی قیمت 24 ڈالر فی اونس کم ہوگئی، پاکستان میں بھی فی تولہ سونا 2 ہزار 400 روپے سستا ہوکر 4 لاکھ 63 ہزار 136 روپے کا ہوگیا۔
پاکستانی مارشل آرٹس کھلاڑی فاطمہ نسیم نے ہاتھوں میں انڈے پکڑ کر ایک منٹ میں 340 پنچز لگانے کا عالمی ریکارڈ قائم کر دیا، اس سے قبل یہ ریکارڈ بھارتی کھلاڑی کے پاس تھا۔
امریکا میں ڈلاس فورٹ ورتھ سے نیوارک جانے والی پرواز میں 67 سالہ مسافر کے مبینہ طور پر جارحانہ رویے کے بعد ہنگامہ برپا ہوگیا، مسافروں نے اسے قابو کرکے سیٹ سے باندھ دیا جبکہ طیارے کو بالٹی مور ایئرپورٹ پر ہنگامی لینڈنگ کرنا پڑی۔
| فجر | 04:52 AM |
| طلوع آفتاب | 06:15 AM |
| ظہر | 11:53 AM |
| عصر | 03:05 PM |
| مغرب | 05:31 PM |
| عشاء | 06:54 PM |