ترک وزیرِ توانائی نے جنرل ہیڈ کوارٹرز (جی ایچ کیو) میں فیلڈ مارشل عاصم منیر سے اہم ملاقات کی جسے پاکستان اور ترکیہ کے درمیان توانائی اور سرمایہ کاری کے شعبے میں تعاون بڑھانے کی بڑی پیش رفت قرار دیا جا رہا ہے۔ ملاقات میں آئی ایس پی آر کے مطابق دونوں ممالک نے توانائی منصوبوں، مشترکہ سرمایہ کاری، ٹیکنالوجی تبادلے اور خطے کی صورتحال پر تفصیلی بات چیت کی۔
جوڈیشل کمیشن آف پاکستان نے اعلیٰ عدلیہ میں اہم تعنیاتیاں کرتے ہوئے سندھ ہائیکورٹ اور بلوچستان ہائیکورٹ کے مستقل چیف جسٹسز کے ناموں کی منظوری دے دی ہے جبکہ سپریم کورٹ میں ایک مستقل جج کی تعیناتی بھی حتمی مرحلے میں داخل ہو گئی ہے۔ چیف جسٹس آف پاکستان جسٹس یحییٰ آفریدی کی زیر صدارت ہونے والے تین اہم اجلاسوں میں مختلف عہدوں کے لیے سینئر ترین ججز کے ناموں پر تفصیلی غور کیا گیا۔ پہلے اجلاس میں سندھ ہائیکورٹ کے چیف جسٹس کے لیے جسٹس ظفر احمد راجپوت کے نام کی منظوری دی گئی جبکہ دوسرے اجلاس میں بلوچستان ہائیکورٹ کے چیف جسٹس کے لیے جسٹس کامران خان ملاخیل کو منتخب کیا گیا۔
چاغی ضلع کے قصبے نوکنڈی میں فرنٹیئر کور کے ہیڈکوارٹر کو ایک خاتون خودکش حملہ آور نے اتوار کی شب نشانہ بنایا۔ حکام کے مطابق حملہ رات 8:40 پر ہوا جس میں حملہ آور خاتون نے خود کو ایف سی ہیڈکوارٹر کے قریب دھماکے سے اُڑا دیا۔ کالعدم بلوچستان لبریشن فرنٹ (بی ایل ایف) نے حملے کی ذمہ داری قبول کرتے ہوئے خاتون حملہ آور زینت رفیق کی تصویر بھی جاری کی۔
بنوں میں میرانشاہ روڈ پر اسسٹنٹ کمشنر شمالی وزیرستان کی گاڑی پر دہشت گردوں کے حملے میں اسسٹنٹ کمشنر شاہ ولی، دو پولیس اہلکار اور ایک شہری شہید ہوگئے جبکہ دو اہلکار زخمی ہوئے۔ حملہ کینٹ تھانے کی حدود میں ہوا جہاں دہشت گردوں نے فائرنگ کے بعد گاڑی کو آگ لگا دی۔
خیبرپختونخوا کے ضلع لکی مروت میں تجوڑی پولیس اسٹیشن کی موبائل پر خودکش حملے میں ایک اہلکار شہید اور پانچ زخمی ہوگئے۔ دھماکے کے بعد پولیس کی بھاری نفری نے علاقے کو گھیرے میں لے لیا اور سرچ آپریشن شروع کر دیا۔ زخمیوں کو اسپتال منتقل کر دیا گیا ہے جبکہ واقعے کی مکمل تحقیقات جاری ہیں۔
کراچی کے علاقے گلشن اقبال میں نیپا چورنگی کے قریب کھلے مین ہول میں گرنے والا 3 سالہ بچہ گھنٹوں گزرنے کے باوجود تاحال لاپتا ہے۔ شہریوں نے شدید احتجاج کرتے ہوئے یونیورسٹی روڈ بند کردی اور پولیس و میڈیا پر پتھراؤ کیا۔ ریسکیو 1122 کے مطابق بھاری مشینری کے ساتھ پانچ مقامات کی کھدائی کی گئی لیکن بچے کا کوئی پتا نہیں چل سکا۔ واقعے پر سندھ حکومت اور شہری انتظامیہ نے تحقیقات شروع کردی ہیں۔
آرمی چیف فیلڈ مارشل عاصم منیر سے مصر کے وزیر خارجہ ڈاکٹر بدر احمد محمد عبدالعاطی نے خصوصی ملاقات کی جس میں دونوں برادر ممالک کے درمیان دوطرفہ تعلقات، دفاعی و سیکیورٹی تعاون، عسکری تربیت، اسٹریٹجک ہم آہنگی اور علاقائی امن و استحکام جیسے اہم امور پر تفصیلی بات چیت کی گئی۔ مصری وزیر خارجہ نے پاکستان کے ساتھ ہر شعبے میں تعاون بڑھانے کے عزم کا اظہار کیا اور بدلتی علاقائی سیکیورٹی صورتحال کے تناظر میں اعلیٰ سطح کے رابطوں کی اہمیت پر زور دیا۔
وزیر دفاع خواجہ آصف نے کہا ہے کہ چیف آف ڈیفنس فورسز (سی ڈی ایف) کی تقرری کا نوٹیفکیشن مقررہ وقت پر جاری کر دیا جائے گا اور اس پر کام شروع ہو چکا ہے۔ انہوں نے کہا کہ غیر ضروری قیاس آرائیاں گمراہ کن ہیں اور نوٹیفکیشن وزیر اعظم کی وطن واپسی کے بعد جاری ہوگا۔
این اے 18 ہری پور کے ضمنی انتخاب سے متعلق لگائے گئے تمام الزامات کو الیکشن کمیشن نے مکمل طور پر مسترد کرتے ہوئے واضح کیا ہے کہ انتخابی عمل کو تنازع بنانے کی کوشش کی جا رہی ہے۔ ڈان نیوز کے مطابق الیکشن کمیشن نے کہا کہ مخصوص حلقے الیکشن ہارنے کے بعد بے بنیاد اعتراضات اٹھا رہے ہیں، جبکہ ڈی آر او اور آر او کی تعیناتی سمیت تمام انتظامات قانون کے مطابق کیے گئے تھے۔
اسلام آباد میں اسحاق ڈار اور مصری وزیر خارجہ بدر عبدالعاطی نے دوطرفہ تجارتی تعاون بڑھانے پر اتفاق کیا اور 250 کاروباری اداروں کی فہرست شیئر کرنے کا اعلان کیا۔
پاکستان کے پہلے چیف آف ڈیفنس فورسز (سی ڈی ایف) کی تقرری کا نوٹیفکیشن 29 نومبر کی ڈیڈ لائن گزرنے کے باوجود جاری نہیں ہوا جس سے آئینی پیچیدگیوں، فوجی ڈھانچے کی نئی تشکیل اور آرمی چیف کی مدتِ ملازمت کے آغاز کی تاریخ سے متعلق اہم سوالات پیدا ہوگئے ہیں۔
سبی میں 3 شدت کے زلزلے کے جھٹکے محسوس کیے گئے۔ لوگ گھروں سے باہر نکل آئے، تاہم کوئی جانی نقصان نہیں ہوا۔
وفاقی آئینی عدالت نے صحافی ارشد شریف قتل کیس کی سماعت 3 دسمبر کو مقرر کر دی۔ دو رکنی بینچ کیس کا جائزہ لے گا جبکہ ازخود نوٹس کی منتقلی 27ویں آئینی ترمیم کے تحت ممکن ہوئی۔
وزیراعلیٰ پنجاب مریم نواز نے مری گلاس ٹرین منصوبے کی تفصیلات جاری کرتے ہوئے روٹ، اسٹیشنز اور کرایوں کا اعلان کر دیا۔ گلاس ٹرین اسلام آباد سے مری صرف 40 منٹ میں پہنچے گی۔
پنجاب حکومت کی ”اپنی زمین، اپنا گھر‘‘ اسکیم کے تحت 3 مرلہ رہائشی پلاٹس کی ڈیجیٹل قرعہ اندازی مکمل کرلی گئی جس میں 19 اضلاع کے 2 ہزار مستحق شہریوں کو پلاٹ مل گئے۔ وزیراعلیٰ مریم نواز کا کہنا ہے کہ پلاٹ مالکان کو گھر کی تعمیر کے لیے 15 لاکھ روپے تک قرض آسان اقساط میں دیا جائے گا۔
پاکستان نے تاجکستان میں چینی کمپنی کے 3 ملازمین کی ڈرون حملے میں ہلاکت کی شدید مذمت کی ہے۔ دفتر خارجہ کے مطابق مسلح ڈرون کا استعمال افغانستان سے درپیش بڑھتے ہوئے خطرے کو ظاہر کرتا ہے۔ پاکستان نے چین اور تاجکستان سے اظہار افسوس کرتے ہوئے کہا کہ افغان سرزمین کا دہشت گردی کے لیے استعمال خطے کے امن کے لیے بڑا خطرہ ہے۔
آئی ایم ایف ایگزیکٹو بورڈ اجلاس سے قبل وفاقی حکومت نے سول سرونٹس اثاثہ جات رولز میں اہم ترمیم جاری کی ہے جس کے تحت "سول سرونٹ” کو "پبلک سرونٹ” سے بدل دیا گیا ہے۔ نئی تعریف گریڈ 17 سے اوپر تمام افسران کو شامل کرتی ہے۔
راولپنڈی میں پولیس نے وزیراعلیٰ خیبرپختونخوا سہیل آفریدی کو آٹھویں مرتبہ اڈیالہ جیل جانے سے روک دیا۔ وزیراعلیٰ نے عدالتی احکامات کی خلاف ورزی پر شدید احتجاج کیا اور وفاقی حکومت کو ذمہ دار قرار دیا۔
وزیراعظم شہباز شریف نے بحرینی کاروباری برادری کو بتایا کہ پاکستان میں زراعت، آئی ٹی، توانائی، معدنیات اور سیاحت کے شعبوں میں لامحدود سرمایہ کاری کے مواقع موجود ہیں۔ انہوں نے پاکستان کو “سی ای او آف پاکستان” کے طور پر پیش کرتے ہوئے طویل المدتی معاشی شراکت داری کی دعوت دی۔
جے یو آئی نے فرخ کھوکھر کی گرفتاری کی مذمت کرتے ہوئے حکومتی افسران کے خلاف کارروائی کا مطالبہ کیا ہے۔
مرمتی کام کے باعث آج کراچی کے مختلف علاقوں میں 12 گھنٹے تک پانی کی سپلائی معطل رہے گی۔ شہر بھر میں شدید پانی کی قلت کا امکان ہے جس سے لاکھوں شہری متاثر ہوں گے۔
بلوچستان کے ضلع کچھی بولان میں بارودی سرنگ کے باعث گھر تباہ ہو گیا۔ بولان گھر دھماکا میں 3 بچے جاں بحق اور 3 افراد شدید زخمی ہوئے، فورسز نے علاقے کو گھیرے میں لے کر سرچ آپریشن شروع کر دیا۔
کراچی ای چالان سسٹم کے 30 دن مکمل ہونے پر 93 ہزار سے زائد چالان سامنے آئے جن میں سیٹ بیلٹ اور ہیلمٹ کی خلاف ورزی سرفہرست رہی۔
پاک آئی ڈی رجسٹریشن سے پنجاب میں شہری اب گھر بیٹھے پیدائش، نکاح، طلاق اور وفات کی رجسٹریشن کر سکیں گے۔ یونین کونسل کے چکر ختم!
وزیراعظم پاکستان محمد شہباز شریف نے منامہ میں بحرین کے ولی عہد، نائب سپریم کمانڈر اور وزیراعظم شہزادہ سلمان بن حمد الخلیفہ سے اہم ملاقات کی، جہاں انہیں قصر القضیبیہ پہنچنے پر گارڈ آف آنر پیش کیا گیا۔ ملاقات کے دوران دونوں ممالک کے درمیان معاشی، تجارتی، سلامتی اور اعلیٰ سطح کے سفارتی تعاون پر تفصیلی تبادلہ خیال ہوا۔ وزیراعظم نے بحرین کی قیادت کے گرمجوش استقبال کا شکریہ ادا کرتے ہوئے کہا کہ پاکستان بحرین کے ساتھ تزویراتی تعاون کو مزید وسعت دینے کے لیے پرعزم ہے۔
| فجر | 04:59 AM |
| طلوع آفتاب | 06:23 AM |
| ظہر | 11:52 AM |
| عصر | 02:56 PM |
| مغرب | 05:20 PM |
| عشاء | 06:44 PM |