وفاقی حکومت نے پنجاب حکومت کی درخواست پر راولپنڈی میں پاکستان آرمی کی تین کمپنیوں کو چھ ماہ کے لیے تعینات کرنے کی منظوری دے دی۔ وزارت داخلہ کے مطابق فوجی دستے حساس سکیورٹی ڈیوٹیز انجام دیں گے اور کسی بھی غیر متوقع صورتحال سے نمٹنے کے لیے ضلعی انتظامیہ کی معاونت کریں گے۔
میزان بینک نے گیارہویں پاکستان بینکنگ ایوارڈز میں چھٹی مرتبہ پاکستان کے بہترین بینک کا اعزاز حاصل کرلیا۔ بینک آف پنجاب نے تین مختلف شعبوں میں کامیابی حاصل کی، جبکہ دیگر بڑے بینکوں کو بھی مختلف کیٹیگریز میں ایوارڈز دیے گئے۔
سی ڈی اے کی ڈیزائن ویٹنگ کمیٹی کے گزشتہ چار اجلاسوں میں 40 کمرشل بلڈنگ پلانز کا جائزہ لیا گیا، جن میں سے 23 کیسز منظور کرلیے گئے جبکہ 8 کیسز ضروری دستاویزات مکمل نہ ہونے پر واپس لے لیے گئے۔
سرکاری افسران کی قبل ازوقت ریٹائرمنٹ کا رجحان بڑھنے لگا، رواں سال صرف 5 ماہ میں 4 سینئر سرکاری افسران قبل ازوقت ریٹائر ہوگئے جبکہ گزشتہ 3 سال کے دوران 9 افسران نے مدت ملازمت مکمل ہونے سے پہلے ریٹائرمنٹ لی۔
وزیراعظم شہباز شریف نے جاتی امراء میں مسلم لیگ ن کے سربراہ نواز شریف سے ملاقات کی، جس میں ملکی سیاسی صورتحال، اہم سیاسی معاملات، بانی پی ٹی آئی کی ہسپتال منتقلی اور اپوزیشن جماعتوں کے ممکنہ اتحاد پر مشاورت کی گئی۔
فیلڈ مارشل عاصم منیر کل تہران کا دورہ کریں گے۔ ایرانی وزارت خارجہ کے مطابق دورے کا مقصد پاکستان اور ایران کے درمیان دوطرفہ تعاون کو مزید مضبوط بنانا جبکہ علاقائی امن و سلامتی کے فروغ کے لیے کوششوں کو آگے بڑھانا ہے۔
نائب وزیر اعظم و وزیر خارجہ اسحاق ڈار کل سے 28 اگست تک برطانیہ کا سرکاری دورہ کریں گے، جہاں وہ برطانوی وزیر خارجہ، وزیر مملکت، دیگر اعلیٰ حکام، ارکان پارلیمنٹ اور پاکستانی کمیونٹی کے نمائندوں سے ملاقاتیں کریں گے۔
یومِ نیلہ بٹ ہر سال 23 اگست کو تحریکِ آزادیٔ کشمیر کے ایک اہم تاریخی سنگِ میل کے طور پر منایا جاتا ہے۔ 1947 میں نیلہ بٹ کے مقام پر کشمیری مسلمانوں، سیاسی کارکنان اور سابق فوجیوں کا اجتماع ہوا، جہاں ڈوگرہ حکومت کے خلاف مزاحمت اور ریاست کے پاکستان سے الحاق کے مطالبے نے نمایاں شکل اختیار کی۔
بنگلادیش نے پاکستان، ترکیہ اور سعودی عرب کے درمیان دفاعی تعاون کے فریم ورک میں ممکنہ شمولیت کا عندیہ دے دیا ہے۔ بنگلادیشی وزارت خارجہ کے ایڈوائزر ہمایوں کبیر کے مطابق ڈھاکا اقتصادی یا دفاعی فریم ورک میں شامل ہونے پر غور کرسکتا ہے
وزیراعظم شہباز شریف نے بلوچستان کے مسائل کے حل کے لیے گرینڈ ڈائیلاگ کی تجویز دیتے ہوئے کہا ہے کہ بلوچ عوام کی بات سنی جانی چاہیے اور مسائل کا حل باہمی گفت و شنید اور مشاورت سے نکالا جائے۔
کانگو کے اعلیٰ سطحی دفاعی وفد نے جی ایچ کیو راولپنڈی کا دورہ کیا جہاں کانگو کے چیف آف ڈیفنس آرمڈ فورسز لیفٹیننٹ جنرل بینزا ویلمبوے نے فیلڈ مارشل سید عاصم منیر سے ملاقات کی۔
Hyundai نے پانچویں جنریشن 2027 Tucson متعارف کرا دی ہے، جس میں نرم اور گول ڈیزائن کے بجائے زیادہ باکسی اور مضبوط Art of Steel اسٹائل اپنایا گیا ہے۔
واٹس ایپ کے آئی فون بیٹا ورژن 26.33.10.18 میں Liquid Glass ڈیزائن کی مزید جھلک سامنے آگئی ہے۔ نئے ڈیزائن کے تحت ڈرائنگ ایڈیٹر کے بٹن اور ویڈیو پلیئر کا پروگریس بار شفاف اور شیشے جیسے انداز میں تبدیل کیا جائے گا۔ یہ فیچرز ابھی ڈیولپمنٹ اور ٹیسٹنگ کے مرحلے میں ہیں اور بیٹا صارفین کے لیے فعال نہیں کیے گئے۔
وزیراعلیٰ خیبرپختونخوا سہیل آفریدی نے حکومت کے خلاف توہین عدالت کی درخواست دائر کرنے کا اعلان کرتے ہوئے کہا ہے کہ 27 ستمبر کے مارچ کی کال برقرار ہے اور تمام قیادت اس پر متفق ہے۔
وزیراعلیٰ پنجاب مریم نواز نے نام لیے بغیر مخالف سیاسی جماعتوں کو تنقید کا نشانہ بناتے ہوئے کہا کہ ایک جماعت کا مزاج دنگا فساد جبکہ دوسری کا سسٹم کے نام پر کرپشن ہے۔ انہوں نے مسلم لیگ (ن) کی سیاست کو خدمت اور ترقی سے جوڑتے ہوئے جناح انسٹی ٹیوٹ آف کارڈیولوجی اور صحت کے نئے منصوبوں کا اعلان بھی کیا۔
پاکستانی نوجوان کوہ پیما اسماء مشتاق 7 ہزار 27 میٹر بلند اسپانٹک چوٹی سر کرنے کے بعد واپسی پر مبینہ طور پر ہائی آلٹی ٹیوڈ سکنس کا شکار ہوکر انتقال کرگئیں۔
اسلام آباد میں کال سینٹرز سے گرفتار 671 غیر ملکیوں کو فارن بلیک لسٹ میں شامل کرنے کا فیصلہ کرلیا گیا۔ ایف آئی اے کے مطابق ملزمان دوبارہ پاکستان نہیں آسکیں گے جبکہ ان کے مقامی روابط کی بھی تحقیقات جاری ہیں۔
وزیراعلیٰ خیبرپختونخوا سہیل آفریدی نے عمران خان کو سپریم کورٹ کے حکم کے برخلاف شفا انٹرنیشنل اسپتال کے بجائے پمز منتقل کرنے پر حکومت کو شدید تنقید کا نشانہ بنایا ہے۔ ان کا کہنا ہے کہ عدالتی حکم پر مکمل عملدرآمد نہ کرکے سپریم کورٹ اور تین ججز کے حکم کی توہین کی گئی۔
فیلڈ مارشل عاصم منیر نے کہا ہے کہ پاکستان اور بلوچستان کا حال اور مستقبل ایک ہے، بلوچستان کی تقدیر وہاں کے عوام کے ہاتھ میں ہے اور امن و استحکام سے ترقی و سرمایہ کاری کے مواقع بڑھائے جا سکتے ہیں۔
پاکستان میں پہلا ڈی پی آر پروگرام متعارف کرا دیا گیا، جس کے تحت ابتدائی طور پر 100 ملین امریکی ڈالر تک غیر ملکی کرنسی میں طویل مدتی فنانسنگ دستیاب ہوگی۔
پاکستان اور گوگل کے درمیان اہم مفاہمتی یادداشت پر دستخط ہوگئے، جس کے تحت ڈیجیٹل مہارتوں، اے آئی، آئی ٹی برآمدات اور ٹیکنالوجی کے شعبے میں تعاون بڑھایا جائے گا، جبکہ 2026 میں 1 لاکھ 50 ہزار گوگل کیریئر سرٹیفکیٹس کا ہدف مقرر کیا گیا ہے۔
بانی پی ٹی آئی عمران خان کو طبی معائنے کے بعد پمز اسپتال سے واپس اڈیالا جیل منتقل کردیا گیا، جیل ذرائع کے مطابق انہیں سخت سکیورٹی میں لایا گیا اور سیل میں منتقل کردیا گیا۔
حکومت نے پیٹرولیم مصنوعات کی نئی قیمتوں کا اعلان کرتے ہوئے پیٹرول اور ہائی اسپیڈ ڈیزل کی قیمتوں میں اضافہ کر دیا۔ پیٹرولیم ڈویژن کے نوٹیفکیشن کے مطابق پیٹرول کی قیمت میں 27 پیسے فی لیٹر اضافہ کیا گیا، جس کے بعد نئی قیمت 337 روپے 78 پیسے ہوگئی۔
وزیراعظم شہباز شریف نے یوم آزادی کی اسلام آباد پریڈ میں آئی جی اسلام آباد اور چیف کمشنر کی شاہی بگھی میں سواری کا نوٹس لے لیا۔ سرکاری دستاویز کے مطابق وزیراعظم نے دونوں افسران کے طرز عمل پر ناراضی کا اظہار کیا اور انہیں سادگی برقرار رکھنے کی ہدایت کی گئی
بانی پی ٹی آئی عمران خان کو سخت سکیورٹی حصار میں اڈیالہ جیل سے شفا انٹرنیشنل اسپتال اسلام آباد منتقل کر دیا گیا۔ ذرائع کے مطابق عمران خان کا 6 ماہر ڈاکٹروں پر مشتمل ٹیم طبی معائنہ کرے گی، جس کے بعد اسپتال میں داخل کرنے یا واپس منتقل کرنے کا فیصلہ کیا جائے گا۔
| فجر | 04:52 AM |
| طلوع آفتاب | 06:15 AM |
| ظہر | 11:53 AM |
| عصر | 03:05 PM |
| مغرب | 05:31 PM |
| عشاء | 06:54 PM |