پاکستان نے آسٹریلیا کے خلاف تیسرے ٹی ٹوئنٹی میچ میں ٹاس جیت کر پہلے بیٹنگ کا فیصلہ کیا ہے۔ قذافی اسٹیڈیم لاہور میں کھیلے جانے والے میچ میں پاکستان کو تین میچز کی سیریز میں 0-2 کی فیصلہ کن برتری حاصل ہے، جبکہ فخر زمان اور شاہین آفریدی سمیت تین تبدیلیاں کی گئی ہیں۔
بلوچستان حکومت نے امن و امان کی صورتحال کے پیش نظر صوبے بھر میں دفعہ 144 نافذ کرتے ہوئے اسلحہ کی نمائش، ڈبل سواری، کالے شیشوں، غیر رجسٹرڈ گاڑیوں اور پانچ سے زائد افراد کے اجتماعات پر ایک ماہ کیلئے پابندی عائد کر دی۔
لاہور میں ڈور، پتنگ اور گڈوں کی قیمتوں میں ہوشربا اضافے نے متوسط اور غریب طبقے کے لیے بسنت منانا مشکل بنا دیا۔ شہریوں کا کہنا ہے کہ جب نان اور روٹی کی قیمت مقرر ہو سکتی ہے تو پتنگ اور ڈور کے ریٹ کیوں نہیں؟
غیر ملکی میڈیا کے مطابق فروری کی پہلی تاریخ کو آسمان پر ایک منفرد اور زیادہ روشن چاند نظر آئے گا جسے ’سنو مون‘ کہا جاتا ہے۔ ناسا کے مطابق یہ چاند یکم فروری کی شام پوری آب و تاب کے ساتھ روشن ہوگا اور 2 فروری تک دیکھا جا سکے گا۔
آزاد جموں و کشمیر کے صدر بیرسٹر سلطان محمود چوہدری طویل علالت کے بعد انتقال کر گئے۔ وہ جگر کے کینسر میں مبتلا تھے اور اسلام آباد میں زیر علاج تھے۔ آزاد کشمیر حکومت نے ان کے انتقال پر تین روزہ سوگ کا اعلان کر دیا ہے جبکہ نمازِ جنازہ کل کھڑی شریف میرپور میں ادا کی جائے گی۔
بلوچستان میں فتنۃ الہندوستان کے دہشت گردوں نے 12 مختلف مقامات پر حملے کیے، سیکیورٹی فورسز کی بروقت کارروائی سے تمام حملے ناکام بنا دیے گئے۔ کارروائیوں میں 58 دہشت گرد ہلاک جبکہ سیکیورٹی فورسز اور پولیس کے 10 جوان شہید ہو گئے۔
سپریم کورٹ کے باہر وزیر اعلیٰ خیبر پختونخوا سہیل آفریدی سمیت پاکستان تحریک انصاف کے رہنماؤں نے دھرنا دے دیا، نعرے بازی کی گئی جبکہ پی ٹی آئی رہنما سلمان اکرم راجہ کی چیف جسٹس پاکستان یحییٰ آفریدی سے ملاقات بھی ہوئی۔
بانی پی ٹی آئی کی صحت اور مبینہ خفیہ طبی آپریشن پر تحفظات کے باعث وزیراعلیٰ خیبر پختونخوا سہیل آفریدی نے پی ٹی آئی قیادت کے ہمراہ سپریم کورٹ میں دھرنا دے دیا۔ رجسٹرار سے ملاقات کے باوجود چیف جسٹس سے ملاقات نہ ہو سکی۔
بلوچستان میں سیکیورٹی فورسز نے دو الگ الگ انٹیلی جنس بیسڈ آپریشنز کے دوران بھارتی حمایت یافتہ تنظیموں فتنۃ الخوارج اور فتنۃ الہندوستان سے تعلق رکھنے والے 41 دہشت گردوں کو ہلاک کر دیا۔ آئی ایس پی آر کے مطابق کارروائیاں ضلع ہرنائی اور پنجگور میں کی گئیں، جہاں دہشت گردوں کے ٹھکانوں کو مؤثر انداز میں نشانہ بنایا گیا۔ کارروائیوں کے دوران بھاری مقدار میں اسلحہ، دھماکا خیز مواد اور لوٹی گئی رقم بھی برآمد ہوئی۔ صدرِ مملکت، وزیراعظم اور وزیرداخلہ نے فورسز کی کامیابی پر خراجِ تحسین پیش کیا۔
وزیراعظم شہباز شریف نے صنعتوں کیلئے بجلی کے ٹیرف میں 4 روپے 4 پیسے کمی اور ویلنگ چارجز میں 9 روپے کمی کا اعلان کرتے ہوئے کہا ہے کہ میرا بس چلے تو مزید 10 روپے کم کر دوں۔
پی ڈی ایم اے پنجاب نے صوبے کے بالائی علاقوں میں بارش اور برفباری کے پیش نظر الرٹ جاری کر دیا، مری اور گلیات میں سیاحوں کو احتیاطی تدابیر اختیار کرنے کی ہدایت۔
قذافی اسٹیڈیم لاہور میں کھیلے گئے پہلے ٹی ٹوئنٹی میں پاکستان نے آسٹریلیا کو 22 رنز سے شکست دے کر تین میچز کی سیریز میں 0-1 کی برتری حاصل کر لی، صائم ایوب اور بولرز کی عمدہ کارکردگی نمایاں رہی۔
محکمہ موسمیات نے 31 جنوری سے 3 فروری کے دوران ملک کے مختلف علاقوں میں بارش اور برفباری کی پیشگوئی کرتے ہوئے پہاڑی علاقوں میں لینڈ سلائیڈنگ کا خدشہ ظاہر کر دیا ہے۔
کسٹمز انفورسمنٹ کوئٹہ نے انٹیلی جنس بنیادوں پر دو کامیاب آپریشنز میں 11 ارب روپے مالیت کی ہیروئن اور آئس کرسٹل برآمد کر لی۔ کارروائی انٹیلی جنس بیورو اور دیگر اداروں کے تعاون سے کی گئی۔
پاکستان نے قذافی اسٹیڈیم لاہور میں کھیلے گئے پہلے ٹی ٹوئنٹی میچ میں 8 وکٹوں کے نقصان پر 168 رنز اسکور کر کے آسٹریلیا کو 169 رنز کا ہدف دے دیا، صائم ایوب 40 رنز کے ساتھ نمایاں رہے۔
وفاقی وزیر اطلاعات عطا تارڑ نے تصدیق کی ہے کہ بانی پی ٹی آئی عمران خان کو آنکھوں کے طبی معائنے کے لیے اسلام آباد کے پمز اسپتال منتقل کیا گیا جہاں ماہرین نے معائنہ کیا، جس کے بعد انہیں اڈیالہ جیل واپس بھیج دیا گیا۔
چیف آف آرمی اسٹاف و چیف آف ڈیفنس فورسز فیلڈ مارشل سید عاصم منیر نے بہاولپور گیریژن کا دورہ کیا جہاں انہوں نے اعلیٰ شدت کی فیلڈ مشق ’’اسٹیڈفاسٹ ریزولو‘‘ کا مشاہدہ کیا اور ملٹی ڈومین وارفیئر کی تیاریوں پر اطمینان کا اظہار کیا۔
جغرافیائی اور معاشی غیر یقینی صورتحال کے باعث دنیا بھر میں سرمایہ کاروں کا رجحان محفوظ اثاثوں کی جانب بڑھ گیا ہے، جس کے نتیجے میں عالمی مارکیٹ میں سونے کی قیمت میں 264 ڈالر فی اونس کا بڑا اضافہ ریکارڈ کیا گیا۔ ماہرین کے مطابق پاکستان کی تاریخ میں پہلی بار ایک دن میں فی تولہ سونا 25 ہزار روپے سے زائد مہنگا ہونے کا امکان ہے۔
پاکستان بمقابلہ آسٹریلیا پہلا ٹی ٹوئنٹی میں پاکستان نے قذافی اسٹیڈیم لاہور میں ٹاس جیت کر پہلے بیٹنگ کرنے کا فیصلہ کیا ہے۔ یہ سیریز آئی سی سی مینز ٹی 20 ورلڈ کپ 2026 سے قبل دونوں ٹیموں کے لیے اہم تیاری سمجھی جا رہی ہے۔
ترجمان دفتر خارجہ نے کہا ہے کہ بورڈ آف پیس کو ابراہام معاہدے سے جوڑنا غلط فہمی ہے۔ پاکستان نے غزہ میں جنگ بندی، تعمیر نو اور فلسطینی عوام کے حق خودارادیت کے لیے نیک نیتی سے بورڈ آف پیس میں شمولیت اختیار کی ہے، تاہم پاکستان ابراہام معاہدے کا حصہ نہیں بنے گا۔
ریاستی اداروں پر مبینہ گمراہ کن الزامات کے کیس میں سیشن عدالت اسلام آباد نے وزیراعلیٰ خیبر پختونخوا سہیل آفریدی کے ناقابل ضمانت وارنٹ گرفتاری جاری کر دیے، عدالت نے عدم حاضری پر سخت مؤقف اختیار کر لیا۔
آسٹریلوی کرکٹ ٹیم کے کپتان مچل مارش نے پاکستان کی فاسٹ بولنگ کی تعریف کرتے ہوئے کہا ہے کہ شاہین شاہ آفریدی ایک شاندار بولر ہیں، جبکہ ورلڈ کپ سے قبل یہ سیریز دونوں ٹیموں کے لیے نہایت اہم ہے۔
بلوچستان کے ضلع ڈیرہ بگٹی میں توانائی کے شعبے کے لیے خوشخبری سامنے آ گئی ہے، جہاں ماڑی انرجی لمیٹڈ نے تبری-ون کنویں سے قدرتی گیس کی کامیاب دریافت کا اعلان کیا ہے، جو ملکی توانائی بحران میں اہم کردار ادا کر سکتی ہے۔
عالمی جیوپولیٹیکل کشیدگی، مشرق وسطیٰ میں جنگ کے خدشات اور امریکی و یورپی تناؤ کے باعث سونے اور چاندی کی قیمتیں عالمی اور مقامی سطح پر تاریخ کی بلند ترین سطح پر پہنچ گئیں، پاکستان میں سونے کی فی تولہ قیمت پہلی بار ساڑھے پانچ لاکھ روپے سے تجاوز کر گئی۔
وزیر دفاع خواجہ آصف نے واضح کیا ہے کہ وادی تیراہ سے لوگوں کی نقل مکانی برفباری کے دوران ہر سال معمول کے مطابق ہوتی ہے اور اس کا کسی فوجی آپریشن سے کوئی تعلق نہیں۔ انہوں نے کہا کہ صوبائی حکومت اپنی ناکامیوں کا ملبہ وفاق پر ڈال رہی ہے، جبکہ جرگے اور حکومت کے درمیان معاملات طے پا چکے ہیں اور چار ارب روپے بھی مختص کیے گئے تھے۔
| فجر | 04:53 AM |
| طلوع آفتاب | 06:16 AM |
| ظہر | 11:53 AM |
| عصر | 03:03 PM |
| مغرب | 05:29 PM |
| عشاء | 06:52 PM |