وزیراعظم شہباز شریف نے یوم آزادی کی اسلام آباد پریڈ میں آئی جی اسلام آباد اور چیف کمشنر کی شاہی بگھی میں سواری کا نوٹس لے لیا۔ سرکاری دستاویز کے مطابق وزیراعظم نے دونوں افسران کے طرز عمل پر ناراضی کا اظہار کیا اور انہیں سادگی برقرار رکھنے کی ہدایت کی گئی
بانی پی ٹی آئی عمران خان کو سخت سکیورٹی حصار میں اڈیالہ جیل سے شفا انٹرنیشنل اسپتال اسلام آباد منتقل کر دیا گیا۔ ذرائع کے مطابق عمران خان کا 6 ماہر ڈاکٹروں پر مشتمل ٹیم طبی معائنہ کرے گی، جس کے بعد اسپتال میں داخل کرنے یا واپس منتقل کرنے کا فیصلہ کیا جائے گا۔
بلوچستان کے ضلع پنجگور میں آپریشن ردالفتنہ 3 کے تحت سکیورٹی فورسز کی کارروائی میں 5 دہشتگرد ہلاک اور متعدد زخمی ہوگئے، جبکہ بھاری مقدار میں اسلحہ اور گولہ بارود برآمد کیا گیا۔
نواز شریف نے بھاٹی گیٹ کا دورہ کیا، جہاں حضرت علی ہجویری انڈر پاس کو عام ٹریفک کیلئے کھول دیا گیا۔ ایک ارب روپے کی لاگت سے تعمیر ہونے والا انڈر پاس ٹریفک روانی بہتر بنانے میں مدد دے گا۔
پاکستانی حکومت نے سابق وزیراعظم عمران خان کو شفا انٹرنیشنل اسپتال منتقل کرنے کے سپریم کورٹ کے حکم کو چیلنج کر دیا۔ عدالت نے عمران خان کو دو دن کے اندر اسپتال منتقل کرنے اور ذاتی معالج سمیت ماہر ڈاکٹروں پر مشتمل میڈیکل پینل کی سہولت فراہم کرنے کی ہدایت کی تھی۔
Agro Processors & Atmospheric Gases Limited کے IPO کی بک بلڈنگ 27 اور 28 اگست 2026 کو ہوگی۔ کمپنی کے 4 کروڑ 35 لاکھ سے زائد حصص بک بلڈنگ کے ذریعے پیش کیے جائیں گے، جن کی فلور پرائس 32 روپے فی شیئر مقرر کی گئی ہے جبکہ زیادہ سے زیادہ قیمت 44.80 روپے فی شیئر تک ہوسکتی ہے۔
پاکستان 2027 میں شنگھائی تعاون تنظیم کے اجلاس کی میزبانی کرے گا۔ اسحاق ڈار نے تیاریوں کا جائزہ لیتے ہوئے تمام منصوبے اور انتظامات مقررہ وقت پر مکمل کرنے کی ہدایت کردی۔
نواز شریف اور وزیراعلیٰ پنجاب مریم نواز سے سعودی سفیر نواف بن سعید المالکی نے الوداعی ملاقات کی، جس میں دونوں ممالک کے درمیان سفارتی تعلقات اور ان کی خدمات کو سراہا گیا۔
وزیراعظم شہباز شریف نے اسلام آباد میں گوگل کے نئے دفتر کا باضابطہ افتتاح کردیا۔ تقریب سے خطاب کرتے ہوئے وزیراعظم نے گوگل کے ساتھ پاکستان کی شراکت داری کو ڈیجیٹل تبدیلی کی جانب اہم سنگ میل قرار دیا۔
سپریم کورٹ نے عمران خان کو اگلی سماعت تک شفا اسپتال منتقل کرنے کا حکم دے دیا، میڈیکل بورڈ تشکیل دینے اور مکمل طبی ریکارڈ پیش کرنے کی ہدایت بھی کردی۔
بلوچستان کے مختلف علاقوں میں آپریشن ردالفتنہ 3 کے تحت سکیورٹی فورسز کی کارروائیوں میں 9 دہشتگرد ہلاک ہوگئے، کارروائیوں کے دوران اسلحہ اور دیگر سامان بھی برآمد کیا گیا۔
ڈی جی آئی ایس پی آر نے سمر انٹرن شپ 2026 کے شرکا سے خصوصی نشست کی، طلبہ کے سوالات کے تفصیلی جوابات دیے اور ان سے خوشگوار انداز میں گفتگو کی۔
وزیراعظم شہباز شریف نے آئندہ حج کے دوران پاکستانی عازمین کو بہترین سہولیات فراہم کرنے اور تمام انتظامات بروقت مکمل کرنے کی ہدایت کردی۔
وزیراعظم کے مشیر رانا ثنااللہ نے سینیٹ میں کہا ہے کہ عدالتی کسٹڈی میں موجود شخص کا اختیار عدالت کے پاس ہوتا ہے، علاج میں کوتاہی کی ذمہ داری بھی عدالت کی ہے۔
بھارت کی جانب سے سلال ڈیم کے تمام اسپیل وے گیٹس کھولنے کے بعد دریائے چناب میں تقریباً 1 لاکھ 50 ہزار کیوسک کا سیلابی ریلہ پاکستان کی جانب آنے کا امکان ہے۔ ہیڈمرالہ، خانکی اور قادرآباد سمیت چناب سے ملحقہ علاقوں میں الرٹ جاری کردیا گیا ہے، جبکہ پنجاب میں مون سون بارشوں کے نئے اسپیل کے باعث اربن فلڈنگ اور لینڈ سلائیڈنگ کا خدشہ بھی ظاہر کیا گیا ہے۔
پشاور ہائیکورٹ کے 4 ججز نے مستقل جج کی حیثیت سے حلف اٹھا لیا۔ چیف جسٹس پشاور ہائیکورٹ جسٹس ایس ایم عتیق شاہ نے جسٹس فرح جمشید، جسٹس ثابت اللہ، جسٹس انعام خان اور جسٹس اورنگزیب خان سے حلف لیا۔
بلوچستان کے علاقے کلی زائیک میں سیکیورٹی فورسز نے انٹیلی جنس بیسڈ آپریشن کرتے ہوئے 2 دہشت گردوں کو ہلاک کردیا، جبکہ 3 دہشت گرد زخمی ہوئے۔ کارروائی میں ایمونیشن، دستی بم اور آئی ای ڈی بنانے کا سامان بھی برآمد کیا گیا۔
راولپنڈی اور اسلام آباد میں موسلادھار بارش سے نشیبی علاقے زیر آب آگئے۔ نالہ لئی میں کٹاریاں کے مقام پر پانی کی سطح 17 فٹ تک پہنچ گئی، جبکہ ڈھوک کھبہ اور صادق آباد میں بارش کا پانی گھروں میں داخل ہوگیا۔
وزیراعلیٰ پنجاب مریم نواز شریف سے اٹک کے ارکان اسمبلی نے ملاقات کی، جس میں الیکٹروبس سروس، مثالی گاؤں پراجیکٹ، صاف پانی، نکاسی آب اور دیگر ترقیاتی منصوبوں پر تبادلہ خیال کیا گیا۔
خاران میں سکیورٹی فورسز نے خفیہ اطلاعات پر کامیاب انٹیلی جنس بیسڈ آپریشن کرتے ہوئے 7 دہشت گردوں کو ہلاک کردیا۔ کارروائی میں اسلحہ، گولہ بارود، جنگی سامان، 2 گاڑیاں اور موٹرسائیکل برآمد کی گئی۔
مانسہرہ پریس کلب میں یوم آزادی پاکستان کے موقع پر پروقار تقریب کا انعقاد کیا گیا، جس میں اسلام آباد یونین آف جرنلسٹس کے چیئرمین اور روزنامہ رئیس الاخبار کے ایڈیٹر اِن چیف شاہنواز خان کو خصوصی مہمان کے طور پر مدعو کیا گیا۔ تقریب میں انہیں روایتی پگڑی پہنائی گئی اور اعزازی شیلڈ پیش کی گئی۔
وزیراعظم شہباز شریف نے صدر آصف علی زرداری سے ملاقات کی، جس میں سعودی عرب اور ترکیے کے ساتھ طے پانے والے سہ فریقی امن و دفاعی معاہدے، علاقائی صورتحال، دہشت گردی کے خلاف کارروائیوں اور عوام کو درپیش معاشی مشکلات پر گفتگو کی گئی۔
اقوام متحدہ کے سیکریٹری جنرل انتونیو گوتریس نے پاکستان آرمی کے میجر جنرل جواد احمد کو مغربی صحارا میں اقوام متحدہ کے مشن MINURSO کا نیا فورس کمانڈر مقرر کردیا۔ وہ بنگلہ دیش کے میجر جنرل محمد فخر الحسن کی جگہ ذمہ داریاں سنبھالیں گے۔
پاکستان کے 79ویں جشن آزادی پر کے ٹو بیس کیمپ میں شدید سردی اور منفی درجہ حرارت کے باوجود پاک فوج کے جوانوں نے قومی جوش و جذبے کا مظاہرہ کیا اور پاکستان زندہ باد کے فلک شگاف نعرے بلند کیے۔
کراچی میں یوم آزادی کی تقریبات کے دوران ہوائی فائرنگ کے مختلف واقعات میں 2 افراد جاں بحق اور 94 زخمی ہوگئے۔ پولیس نے کارروائی کرتے ہوئے متعدد مشتبہ افراد کو گرفتار کرلیا۔
| فجر | 04:58 AM |
| طلوع آفتاب | 06:22 AM |
| ظہر | 11:52 AM |
| عصر | 02:57 PM |
| مغرب | 05:21 PM |
| عشاء | 06:45 PM |