ریاستی اداروں پر مبینہ گمراہ کن الزامات کے کیس میں سیشن عدالت اسلام آباد نے وزیراعلیٰ خیبر پختونخوا سہیل آفریدی کے ناقابل ضمانت وارنٹ گرفتاری جاری کر دیے، عدالت نے عدم حاضری پر سخت مؤقف اختیار کر لیا۔
بلوچستان کے ضلع ڈیرہ بگٹی میں توانائی کے شعبے کے لیے خوشخبری سامنے آ گئی ہے، جہاں ماڑی انرجی لمیٹڈ نے تبری-ون کنویں سے قدرتی گیس کی کامیاب دریافت کا اعلان کیا ہے، جو ملکی توانائی بحران میں اہم کردار ادا کر سکتی ہے۔
قومی اسمبلی کی قائمہ کمیٹی برائے مذہبی امور نے وزارت مذہبی امور کو تحریری سفارشات ارسال کی ہیں کہ ہر سال بارہ ربیع الاول کے موقع پر دس رکنی پارلیمانی وفد کو سرکاری خرچ پر مدینہ منورہ اور مکہ مکرمہ بھیجا جائے تاکہ وفد روضۂ رسول ﷺ پر حاضری دے اور پاکستانی عوام کی جانب سے درود و سلام پیش کرے۔ وفد کے قیام، خوراک، رہائش، ٹرانسپورٹ اور طبی سہولتیں بھی سرکاری ذمہ ہوں گی۔
وزیر دفاع خواجہ آصف نے واضح کیا ہے کہ وادی تیراہ سے لوگوں کی نقل مکانی برفباری کے دوران ہر سال معمول کے مطابق ہوتی ہے اور اس کا کسی فوجی آپریشن سے کوئی تعلق نہیں۔ انہوں نے کہا کہ صوبائی حکومت اپنی ناکامیوں کا ملبہ وفاق پر ڈال رہی ہے، جبکہ جرگے اور حکومت کے درمیان معاملات طے پا چکے ہیں اور چار ارب روپے بھی مختص کیے گئے تھے۔
وفاقی حکومت نے بیرون ملک سے درآمد کی جانے والی گاڑیوں پر ڈیوٹی اور ٹیکس کے تعین کا نظام تبدیل کرتے ہوئے مقامی ایجنٹس کا کردار ختم کر دیا۔ ایف بی آر کی جانب سے جاری کسٹمز جنرل آرڈر کے تحت اب یورپ سے درآمدی گاڑیوں پر ٹیکس براہ راست سرکاری نظام کے تحت مقرر ہوگا، جس سے شفافیت میں اضافہ اور بدعنوانی کا خاتمہ ممکن ہو سکے گا۔
پیٹرولیم ڈویژن نے ملک بھر کے تمام پیٹرول پمپس پر آٹو میٹک ٹینک گیجنگ سسٹم لازمی طور پر نافذ کرنے کا فیصلہ کر لیا، 10 فروری کے بعد اے ٹی جی کے بغیر کسی پمپ کو اسٹوریج لائسنس جاری نہیں ہوگا۔
سندھ کابینہ نے سانحہ گل پلازہ میں شہید ہونے والے افراد کے اہلخانہ کو ایک کروڑ روپے فی کس معاوضہ دینے کی منظوری دے دی ہے، جبکہ متاثرہ دکانداروں کو پانچ لاکھ روپے فوری امداد اور ایک کروڑ روپے بلاسود قرض فراہم کرنے کا فیصلہ بھی کیا گیا ہے۔
لاہور میں بسنت کے موقع پر امنِ عامہ اور مذہبی ہم آہنگی برقرار رکھنے کے لیے پنجاب حکومت نے دفعہ 144 کے تحت سخت پابندیاں عائد کر دیں، خلاف ورزی پر بھاری جرمانے اور قید کی سزا ہوگی۔
ٹی ٹوئنٹی ورلڈکپ میں پاکستان کی شرکت کے معاملے پر چیئرمین پی سی بی محسن نقوی نے وزیراعظم شہباز شریف سے ملاقات کی، آئی سی سی کے دہرے معیار، بھارت کے خلاف میچ کے بائیکاٹ اور بنگلا دیش کے معاملے پر تفصیلی بریفنگ دی گئی۔
پنجاب میں میٹرو بس، اورنج لائن، اسپیڈو اور ای بس سروسز کے لیے ایک ہی ٹی کیش کارڈ متعارف کرا دیا گیا، جس سے کیش لیس، آسان اور محفوظ سفر ممکن ہوگا، اب تک ایک لاکھ 30 ہزار سے زائد درخواستیں موصول ہو چکی ہیں۔
سپریم کورٹ نے سرکاری ملازمین کی پروموشن سے متعلق اہم فیصلہ سناتے ہوئے قرار دیا ہے کہ اہل افسر کو پہلی محکمہ جاتی پروموشن کمیٹی کے دن سے پروموشن کا حق حاصل ہے، انتظامی تاخیر کی سزا ملازم کو نہیں دی جا سکتی۔
لاہور میں دودھ اور دہی کی قیمتیں سرکاری نرخنامے سے کہیں زیادہ وصول کی جا رہی ہیں، جس کے باعث غریب اور متوسط طبقہ شدید متاثر ہو رہا ہے، جبکہ پرائس کنٹرول کا نظام مکمل طور پر ناکام نظر آ رہا ہے۔
کسٹمز انفورسمنٹ کوئٹہ نے انٹیلی جنس بنیادوں پر کارروائی کرتے ہوئے 23 کروڑ 50 لاکھ روپے مالیت کی نان کسٹمز پیڈ گاڑیاں اور اسمگل شدہ سامان ضبط کر لیا، جس میں مہنگی گاڑیاں، چھالیہ، سولر بیٹریاں اور چاندی شامل ہے۔
سپریم کورٹ نے قرار دیا ہے کہ پہلی بیوی کی اجازت اور ثالثی کونسل کی منظوری کے بغیر دوسری شادی مسلم فیملی لاز آرڈیننس کی خلاف ورزی ہے، جس پر شوہر کو قانونی کارروائی کا سامنا کرنا ہوگا۔
پاک فوج نے وادی تیراہ میں شدید برفباری کے بعد فوری ریلیف آپریشن شروع کرتے ہوئے برف میں پھنسی گاڑیوں کو محفوظ مقامات پر منتقل کیا اور متاثرہ خاندانوں میں خوراک، کمبل اور طبی امداد فراہم کی، جس پر مقامی آبادی نے فورسز کی خدمات کو بھرپور سراہا۔
چترال کے علاقے ڈومیل میں گھر پر برفانی تودہ گرنے سے 9 افراد جاں بحق اور ایک بچہ زخمی ہو گیا، لاشیں نکال لی گئیں۔
پنجاب کابینہ نے وزیراعلیٰ مریم نواز کی زیر صدارت 32ویں اجلاس میں ایکسائز، ٹورازم پولیس، ہوم ڈیپارٹمنٹ اور آئی ٹی سمیت مختلف محکموں میں ہزاروں نئی آسامیوں کی منظوری دے دی ہے۔
وادی تیراہ میں شدید برفباری کے باعث پھنسے آئی ڈی پیز کو محفوظ مقامات پر منتقل کرنے کے لیے ریسکیو آپریشن جاری ہے، ضلعی انتظامیہ، پاک فوج اور ایف سی کی بروقت کارروائیاں، متاثرہ خاندان محفوظ۔
لاہور سمیت پنجاب کے میدانی علاقوں میں بارش جبکہ پہاڑی علاقوں میں شدید برفباری کے باعث سردی کی شدت میں نمایاں اضافہ ہو گیا۔ محکمہ موسمیات اور پی ڈی ایم اے نے مزید بارش، برفباری اور شہریوں کو احتیاطی تدابیر اختیار کرنے کی ہدایت جاری کر دی ہے۔
بسنت تہوار کیلئے سرکاری آفیشل لوگو جاری کر دیا گیا ہے، جس میں قلعہ لاہور، رنگ برنگی پتنگیں، ڈھول، پھول اور پنجابی ثقافت کی جھلک کو ایک منفرد ڈیزائن میں سمویا گیا ہے۔
اسٹاک ایکسچینج میں کاروبار کے آغاز پر زبردست تیزی ریکارڈ کی گئی، ہنڈریڈ انڈیکس 238 پوائنٹس اضافے کے ساتھ 1 لاکھ 87 ہزار 926 کی سطح پر ٹریڈ کر رہا ہے، جبکہ انٹر بینک میں ڈالر کی قدر مستحکم رہی۔
سانحہ گل پلازہ سے متعلق ابتدائی تحقیقاتی رپورٹ مکمل کر لی گئی، جس میں انکشاف ہوا ہے کہ آگ مصنوعی پھولوں کی دکان میں بچوں کے کھیلنے کے دوران لگی، جبکہ عمارت میں فائر سیفٹی کے ناقص انتظامات بھی سامنے آئے۔
امریکی صدر ڈونلڈ ٹرمپ نے ورلڈ اکنامک فورم کے موقع پر سوئٹزرلینڈ کے شہر ڈیووس میں غزہ ’بورڈ آف پیس‘ کے قیام کا باضابطہ اعلان کر دیا۔ تقریب کے دوران پاکستان کے وزیراعظم شہباز شریف نے بھی اس معاہدے پر دستخط کیے۔ صدر ٹرمپ کے مطابق یہ بورڈ غزہ سمیت عالمی تنازعات کے حل اور قیامِ امن کے لیے کام کرے گا اور اقوام متحدہ سمیت دیگر عالمی ادارے اس میں تعاون کریں گے۔
وفاقی وزیر مصطفیٰ کمال نے کراچی کو سندھ کے بجائے وفاق کے زیرِانتظام فیڈرل ٹیریٹری بنانے کا مطالبہ کرتے ہوئے کہا ہے کہ شہر میں مسلسل اموات، بدانتظامی اور حکومتی بے حسی جمہوری دہشت گردی کے مترادف ہیں۔ انہوں نے ریاست سے مطالبہ کیا کہ کراچی کو پاکستان کا معاشی دارالحکومت قرار دے کر وفاقی کنٹرول میں لیا جائے۔
وزیراعظم کے مشیر رانا ثنااللہ کا کہنا ہے کہ اٹھارویں آئینی ترمیم اتفاقِ رائے سے منظور ہوئی تھی اور اسی اتفاق سے اس میں اصلاحات ممکن ہیں۔ گل پلازہ آتشزدگی، پی ٹی آئی ملاقاتوں اور ضلعی حکومتوں سے متعلق اہم بیانات۔
| فجر | 04:59 AM |
| طلوع آفتاب | 06:23 AM |
| ظہر | 11:52 AM |
| عصر | 02:56 PM |
| مغرب | 05:20 PM |
| عشاء | 06:44 PM |