ایران اور امریکا نے ایٹمی پروگرام پر مذاکرات پر اتفاق کر لیا ہے، جو جمعہ کو استنبول میں ہوں گے۔ دفتر خارجہ کے مطابق پاکستان بھی ان اہم مذاکرات میں شریک ہوگا، جس سے خطے میں امن کی نئی امید پیدا ہو گئی ہے۔
محکمہ موسمیات کے مطابق خیبرپختونخوا کے مختلف اضلاع میں ہواؤں کے ساتھ ہلکی بارش، فباری اور پہاڑوں پر برفباری کا امکان ہے، جبکہ میدانی علاقوں میں دھند چھائے رہنے کی پیش گوئی کی گئی ہے۔ سرد علاقوں میں درجہ حرارت منفی سطح تک گر گیا۔
لیبیا کی مسلح افواج کے کمانڈر اِن چیف فیلڈ مارشل خلیفہ ابو القاسم حفتر اور ڈپٹی کمانڈر لیفٹیننٹ جنرل صدام خلیفہ حفتر نے جنرل ہیڈکوارٹرز راولپنڈی میں چیف آف آرمی اسٹاف فیلڈ مارشل سید عاصم منیر سے ملاقات کی۔ ملاقات میں علاقائی سیکیورٹی صورتحال، باہمی عسکری تعاون اور پیشہ ورانہ روابط کو فروغ دینے پر تبادلہ خیال کیا گیا۔ فیلڈ مارشل عاصم منیر نے لیبیا میں امن، استحکام اور ادارہ جاتی ترقی کے لیے پاکستان کی حمایت کا اعادہ کیا۔
وزیر دفاع خواجہ آصف نے قومی اسمبلی میں خطاب کرتے ہوئے کہا ہے کہ بلوچستان کے وسیع اور دشوار گزار جغرافیے کے باعث وہاں بڑے پیمانے پر فوجی اہلکاروں کی تعیناتی ناگزیر ہے۔ انہوں نے اسمگلنگ، علیحدگی پسند عناصر، دہشت گردی اور احساسِ محرومی کے بیانیے پر تفصیلی روشنی ڈالی اور کہا کہ سرداری نظام اور جرائم پیشہ گروہوں نے صوبے کے وسائل کو نقصان پہنچایا ہے۔
ملک بھر میں آج سے انسدادِ پولیو مہم کا آغاز ہو گیا، وزیراعظم کی فوکل پرسن عائشہ رضا کا کہنا ہے کہ پولیو کا خاتمہ حکومت کی اولین ترجیحات میں شامل ہے۔
وفاقی حکومت نے نیٹ میٹرنگ پالیسی میں ترامیم کا حتمی فیصلہ کر لیا، نیپرا نے صارفین اور سٹیک ہولڈرز کے اعتراضات پر 6 فروری کو عوامی سماعت مقرر کر دی ہے۔
پاک فوج کے شعبہ تعلقات عامہ کے سربراہ لیفٹیننٹ جنرل احمد شریف چوہدری نے یونیورسٹی آف تربت میں اساتذہ اور طلبہ سے خصوصی معلوماتی نشست کے دوران قومی سلامتی، نوجوانوں کے کردار اور درپیش چیلنجز پر تفصیلی گفتگو کی۔
رکن صوبائی اسمبلی علی مدد جتک کو بلوچستان کا نیا وزیر داخلہ مقرر کر دیا گیا ہے۔ وہ آج گورنر بلوچستان سے اپنے عہدے کا حلف اٹھائیں گے۔ صوبائی وزیر داخلہ کا قلمدان گزشتہ دو برس سے وزیراعلیٰ کے پاس تھا، جو اب علی مدد جتک کو سونپ دیا گیا ہے۔ سیاسی حلقوں کے مطابق نئی تقرری سے صوبے میں امن و امان اور داخلی سلامتی کے امور میں بہتری کی توقع کی جا رہی ہے۔
پاک فوج اور قانون نافذ کرنے والے اداروں نے بلوچستان کے مختلف علاقوں میں دو روزہ انٹیلی جنس بیسڈ آپریشنز کے دوران بھارتی حمایت یافتہ 133 دہشت گردوں کو ہلاک کر کے بڑے پیمانے پر دہشت گرد حملوں کی کوشش ناکام بنا دی، آئی ایس پی آر نے تصدیق کر دی۔
نیپرا نے لیسکو سمیت تمام پاور ڈسٹری بیوشن کمپنیوں میں سولر سسٹم پر منتقل ہونے والے صارفین کے خراب اور جلنے والے گرین میٹرز تبدیل کرنے کی پالیسی منظور کر لی، جبکہ صارفین کو دو ماہ کیلئے ایکسپورٹ یونٹس پر ریلیف بھی دے دیا گیا۔
بلوچستان حکومت نے امن و امان کی صورتحال کے پیش نظر صوبے بھر میں دفعہ 144 نافذ کرتے ہوئے اسلحہ کی نمائش، ڈبل سواری، کالے شیشوں، غیر رجسٹرڈ گاڑیوں اور پانچ سے زائد افراد کے اجتماعات پر ایک ماہ کیلئے پابندی عائد کر دی۔
لاہور میں ڈور، پتنگ اور گڈوں کی قیمتوں میں ہوشربا اضافے نے متوسط اور غریب طبقے کے لیے بسنت منانا مشکل بنا دیا۔ شہریوں کا کہنا ہے کہ جب نان اور روٹی کی قیمت مقرر ہو سکتی ہے تو پتنگ اور ڈور کے ریٹ کیوں نہیں؟
غیر ملکی میڈیا کے مطابق فروری کی پہلی تاریخ کو آسمان پر ایک منفرد اور زیادہ روشن چاند نظر آئے گا جسے ’سنو مون‘ کہا جاتا ہے۔ ناسا کے مطابق یہ چاند یکم فروری کی شام پوری آب و تاب کے ساتھ روشن ہوگا اور 2 فروری تک دیکھا جا سکے گا۔
بلوچستان میں سیکیورٹی فورسز نے دو الگ الگ انٹیلی جنس بیسڈ آپریشنز کے دوران بھارتی حمایت یافتہ تنظیموں فتنۃ الخوارج اور فتنۃ الہندوستان سے تعلق رکھنے والے 41 دہشت گردوں کو ہلاک کر دیا۔ آئی ایس پی آر کے مطابق کارروائیاں ضلع ہرنائی اور پنجگور میں کی گئیں، جہاں دہشت گردوں کے ٹھکانوں کو مؤثر انداز میں نشانہ بنایا گیا۔ کارروائیوں کے دوران بھاری مقدار میں اسلحہ، دھماکا خیز مواد اور لوٹی گئی رقم بھی برآمد ہوئی۔ صدرِ مملکت، وزیراعظم اور وزیرداخلہ نے فورسز کی کامیابی پر خراجِ تحسین پیش کیا۔
وزیراعظم شہباز شریف نے صنعتوں کیلئے بجلی کے ٹیرف میں 4 روپے 4 پیسے کمی اور ویلنگ چارجز میں 9 روپے کمی کا اعلان کرتے ہوئے کہا ہے کہ میرا بس چلے تو مزید 10 روپے کم کر دوں۔
پاکستان انٹرنیشنل ایئرلائنز کی نجکاری کا اہم مرحلہ مکمل ہو گیا، اسلام آباد میں پی آئی اے کے 75 فیصد حصص کے حصول کے معاہدے پر دستخط کر دیے گئے، وزیراعظم اور آرمی چیف بھی تقریب میں موجود تھے۔
وفاقی وزیر عبدالعلیم خان نے کرتار پور اور ننکانہ صاحب کو قومی موٹروے نیٹ ورک سے منسلک کرنے کے لیے "گرو نانک ایکسپریس وے” کی منظوری دے دی ہے۔ اس منصوبے میں عالمی معیار کے ہوٹلز، شاپنگ مالز اور ریسٹ ایریاز شامل ہوں گے۔
محکمہ موسمیات نے 31 جنوری سے 3 فروری کے دوران ملک کے مختلف علاقوں میں بارش اور برفباری کی پیشگوئی کرتے ہوئے پہاڑی علاقوں میں لینڈ سلائیڈنگ کا خدشہ ظاہر کر دیا ہے۔
کسٹمز انفورسمنٹ کوئٹہ نے انٹیلی جنس بنیادوں پر دو کامیاب آپریشنز میں 11 ارب روپے مالیت کی ہیروئن اور آئس کرسٹل برآمد کر لی۔ کارروائی انٹیلی جنس بیورو اور دیگر اداروں کے تعاون سے کی گئی۔
انسداد دہشتگردی عدالت راولپنڈی نے بانی پی ٹی آئی اور بشریٰ بی بی کے طبی معائنے سے متعلق دائر درخواست قابلِ سماعت قرار دیتے ہوئے فریقین کو نوٹس جاری کر دیے، عدالت نے کل جواب طلب کرلیا۔
چیف آف آرمی اسٹاف و چیف آف ڈیفنس فورسز فیلڈ مارشل سید عاصم منیر نے بہاولپور گیریژن کا دورہ کیا جہاں انہوں نے اعلیٰ شدت کی فیلڈ مشق ’’اسٹیڈفاسٹ ریزولو‘‘ کا مشاہدہ کیا اور ملٹی ڈومین وارفیئر کی تیاریوں پر اطمینان کا اظہار کیا۔
ترجمان دفتر خارجہ نے کہا ہے کہ بورڈ آف پیس کو ابراہام معاہدے سے جوڑنا غلط فہمی ہے۔ پاکستان نے غزہ میں جنگ بندی، تعمیر نو اور فلسطینی عوام کے حق خودارادیت کے لیے نیک نیتی سے بورڈ آف پیس میں شمولیت اختیار کی ہے، تاہم پاکستان ابراہام معاہدے کا حصہ نہیں بنے گا۔
چیئرمین سی ڈی اے کی زیر صدارت اجلاس میں اسلام آباد میں جدید، ڈیجیٹل اور ماحول دوست الیکٹرک ٹرام اور ای بس نظام متعارف کرانے کے لیے جلد فیزیبلٹی اسٹڈی کرانے کا فیصلہ کر لیا گیا۔
الیکشن کمیشن آف پاکستان نے جے یو آئی (ف) کی خواتین کی مخصوص نشست کے معاملے پر حتمی فیصلہ سناتے ہوئے حنا بی بی کی درخواست مسترد کر دی، جس کے بعد صدف احسان کی قومی اسمبلی کی رکنیت برقرار رہے گی۔
ریاستی اداروں پر مبینہ گمراہ کن الزامات کے کیس میں سیشن عدالت اسلام آباد نے وزیراعلیٰ خیبر پختونخوا سہیل آفریدی کے ناقابل ضمانت وارنٹ گرفتاری جاری کر دیے، عدالت نے عدم حاضری پر سخت مؤقف اختیار کر لیا۔
| فجر | 04:59 AM |
| طلوع آفتاب | 06:23 AM |
| ظہر | 11:52 AM |
| عصر | 02:56 PM |
| مغرب | 05:20 PM |
| عشاء | 06:44 PM |