ملک بھر کے صارفین کے لیے بجلی کے بلوں میں ریلیف متوقع ہے۔ سینٹرل پاور پرچیزنگ ایجنسی نے نیپرا کو درخواست جمع کر دی ہے، جس کے بعد فی یونٹ بجلی کی قیمت میں کمی کا باضابطہ اعلان ہو سکتا ہے۔
امریکی کانگریس میں پیش کی گئی تازہ رپورٹ میں انکشاف ہوا ہے کہ مئی 2025 میں پاکستان اور بھارت کے درمیان ہونے والی چار روزہ جھڑپ میں پاکستان نے واضح فوجی برتری حاصل کی۔ رپورٹ کے مطابق پاکستان نے بھارتی فضائیہ کے کئی طیارے مار گرائے جبکہ چین کے جدید ہتھیار اس لڑائی میں نمایاں رہے۔ رپورٹ میں پاکستان اور چین کے بڑھتے فوجی تعاون، جدید نظام کے استعمال، دفاعی بجٹ میں اضافے اور بھارت کے الزامات کا تفصیلی جائزہ بھی شامل ہے۔ جھڑپ مقبوضہ کشمیر میں حملے کے بعد شروع ہوئی اور امریکی مداخلت سے 10 مئی کو جنگ بندی ممکن ہوئی۔
وزیر اعلیٰ پنجاب مریم نواز نے کہا کہ کام محنت سے ہوتا ہے جادو ٹونے سے نہیں، اور مسلم لیگ ن کا خیال آتے ہی ذہن میں موٹر ویز اور ترقیاتی منصوبے آتے ہیں۔ انہوں نے راولپنڈی میں ٹرانسپورٹ کی سہولیات اور پنجاب کے صحت و تعلیم کے شعبوں میں جاری ترقیاتی منصوبے کی تفصیلات بتائیں۔
سپارکو کے مطابق جمادی الثانی کا چاند 20 نومبر کو پیدا ہوگا جبکہ یکم جمادی الثانی 23 نومبر کو ہونے کا قوی امکان ظاہر کیا گیا ہے۔
غیرقانونی مقیم افغانیوں کی اطلاع دینے والوں کے لیے پنجاب حکومت نے نقد انعام کا اعلان کیا ہے، آپریشن تیزی سے جاری ہے۔
وزیراعظم شہباز شریف نے آئندہ برس مون سون کے دوران ممکنہ جانی و مالی نقصانات سے بچنے کے لیے ابھی سے ہنگامی تیاری شروع کرنے کی ہدایت جاری کر دی ہے۔ اسلام آباد میں منعقدہ اجلاس کی صدارت کرتے ہوئے انہوں نے وزارتِ موسمیاتی تبدیلی، وزارتِ منصوبہ بندی اور این ڈی ایم اے کو ہدایت کی کہ صوبائی حکومتوں کے ساتھ مل کر موسمیاتی تبدیلی کے چیلنجز سے نمٹنے کیلئے مربوط حکمت عملی تیار کی جائے۔
نائب وزیراعظم و وزیر خارجہ اسحٰق ڈار شنگھائی تعاون تنظیم کے اجلاس میں شرکت کے بعد بیلجیئم روانہ ہو رہے ہیں، جہاں وہ 19 سے 21 نومبر تک یورپی یونین کے ساتھ ساتویں پاکستان–ای یو اسٹریٹجک ڈائیلاگ کی مشترکہ صدارت کریں گے۔ دفترِ خارجہ کے مطابق یہ ڈائیلاگ 2019 کے اسٹریٹجک انگیجمنٹ پلان کے تحت دوطرفہ تعاون کے تمام شعبوں کا جائزہ لے گا۔ اسحٰق ڈار برسلز میں ای یو انڈو–پیسیفک وزارتی فورم میں بھی شرکت کریں گے اور یورپی یونین کے متعدد سینئر حکام سے دوطرفہ ملاقاتیں کریں گے۔ دورے سے تجارت، جی ایس پی پلس، سرمایہ کاری اور سیاسی مشاورت کے نظام کو مضبوط بنانے میں اہم پیشرفت متوقع ہے۔ اس سے قبل ڈار نے ماسکو میں ایس سی او اجلاس کے دوران روس، چین، قطر، تاجکستان، ازبکستان اور کرغیزستان کے رہنماؤں سے ملاقاتیں کیں۔
مخصوص نشستوں کےکیس فیصلہ میں جسٹس جمال کا اکثریتی فیصلے پر اہم اختلاف سامنے آگیا۔
خیبر پختونخوا میں سیکیورٹی فورسز نے دو کامیاب انٹیلی جنس بیسڈ آپریشنز میں بھارت کی سرپرستی یافتہ فتنۃ الخوارج کے 23 دہشتگردوں کو ہلاک کر دیا۔ باجوڑ میں کارروائی کے دوران گروہ کے اہم سرغنہ سجاد عرف ابوذر سمیت 11 دہشتگرد مارے گئے، جب کہ بنوں میں مزید 12 دہشتگردوں کو ٹھکانے لگا دیا گیا۔ آئی ایس پی آر کے مطابق دہشتگرد شہریوں اور فورسز پر حملوں کی منصوبہ بندی کر رہے تھے۔ بنوں میں ایک دہشتگرد بارودی مواد نصب کرتے ہوئے خود ہلاک ہو گیا، جو تنظیم کی مایوسی اور کم ہوتی صلاحیتوں کا ثبوت ہے۔ سیکیورٹی فورسز نے واضح کیا کہ عزمِ استحکام کے وژن کے تحت ملک سے دہشتگردی کے مکمل خاتمے کیلئے کلیئرنس آپریشنز جاری رہیں گے۔
دفاعی شعبے کا ریلیف پیکج—50 ارب روپے کی منظوری۔
