ایف بی آر کی سینئر قیادت نے کسٹمز ہاؤس کوئٹہ کا دو روزہ دورہ کیا، جس میں انسدادِ اسمگلنگ کی حکمت عملی کو مزید سخت کرنے اور سیکیورٹی اداروں کے ساتھ مل کر بارڈر مینجمنٹ کو بہتر بنانے پر اتفاق کیا گیا۔ دورے کے دوران تجارتی مسائل کے حل اور محصولات کی وصولی میں بہتری کے لیے اہم اقدامات کی منظوری دی گئی۔
لاہور میں برائلر گوشت کی قیمت بظاہر برقرار ہے مگر سرکاری نرخ 595 روپے فی کلو کے باوجود اوور چارجنگ کا سلسلہ جاری ہے۔ شہر کے مختلف علاقوں میں دکاندار من مانے دام وصول کر رہے ہیں، جبکہ فارمی انڈوں کی قیمتوں نے بھی شہریوں کو پریشان کر دیا ہے۔
چمن میں آٹے کی قیمتوں میں اچانک اور بڑا اضافہ دیکھنے میں آیا ہے، جہاں ایک ہفتے کے دوران 100 کلو آٹے کی بوری 2500 روپے مہنگی ہو گئی۔ پنجاب سے آٹے کی ترسیل بند ہونے کے باعث قیمتیں آسمان سے باتیں کرنے لگیں، جس سے عوام شدید مشکلات کا شکار ہو گئے ہیں۔
خیبر پختونخوا میں دو انٹیلی جنس بیسڈ آپریشنز کے دوران سیکیورٹی فورسز نے 11 دہشت گردوں کو ہلاک کر دیا، آئی ایس پی آر
لاہور بار ایسوسی ایشن کے سالانہ انتخابات بائیو میٹرک طریقے سے کرانے کا فیصلہ، 8 نشستوں پر 27 امیدوار مد مقابل، 15 ہزار سے زائد ووٹرز حق رائے دہی استعمال کریں گے۔
رمضان پیکج ڈیجیٹل والٹس کے ذریعے تقسیم کرنے کی ہدایت، وزیراعظم شہباز شریف نے رواں سال بھی مستحق خاندانوں کو شفاف طریقے سے امدادی رقوم کی فراہمی یقینی بنانے پر زور دیا ہے۔
پاکستان تحریک انصاف کی سینئر رہنما ڈاکٹر یاسمین راشد نے 9 مئی کے تین مختلف مقدمات میں ٹرائل کورٹ کی جانب سے سنائی گئی سزاؤں کے خلاف لاہور ہائیکورٹ میں اپیلیں دائر کر دیں۔ اپیلوں میں مؤقف اختیار کیا گیا ہے کہ فیصلے جلد بازی اور قانونی تقاضوں کے برعکس سنائے گئے۔
رات گئے پاکستان کے مختلف شہروں میں زلزلے کے جھٹکے محسوس کیے گئے، جن میں اسلام آباد، راولپنڈی، سوات، شانگلہ، بونیر، مظفرآباد اور آزاد کشمیر کے دیگر علاقے شامل ہیں۔ زلزلے کی شدت 5.8 ریکارڈ کی گئی جبکہ مرکز تاجکستان اور سنکیانگ کا سرحدی علاقہ تھا۔
لاہور میں بسنت کی تقریبات 20 سال بعد ایک بار پھر منعقد کرنے کے لیے انتظامات زور و شور سے جاری ہیں، شہر کو ریڈ، ییلو اور گرین زون میں تقسیم کر کے سکیورٹی اور حفاظتی اقدامات کیے جا رہے ہیں۔
پاکستان اور سعودی عرب کے درمیان 2 ارب ڈالر کے قرض کو جے ایف-17 تھنڈر لڑاکا طیاروں کے دفاعی معاہدے میں تبدیل کرنے کے لیے مذاکرات جاری ہیں، رائٹرز رپورٹ۔
