وزیر داخلہ سندھ ضیا الحسن لنجار نے کچے کے علاقوں میں ڈاکوؤں کے خلاف بڑے اور فیصلہ کن آپریشن کے آغاز کا اعلان کرتے ہوئے کہا ہے کہ بے رحم کارروائی کی جائے گی۔
لاہور پولیس نے اسلام آباد کی طرز پر شہر میں ایم ٹیگ سسٹم متعارف کرانے کی سفارشات ہوم ڈیپارٹمنٹ کو ارسال کر دیں، جس سے ٹریفک مینجمنٹ، شہری سکیورٹی اور چوری شدہ گاڑیوں کی فوری نشاندہی ممکن ہو سکے گی۔
وزیر دفاع خواجہ آصف کا کہنا ہے کہ مئی 2025 کے پاک بھارت تنازع میں پاک فضائیہ کی شاندار کارکردگی کے بعد پاکستان کو عالمی سطح پر دفاعی ساز و سامان کے آرڈرز مل رہے ہیں، جس سے آئی ایم ایف کی ضرورت ختم ہو سکتی ہے۔
بنگلا دیش فضائیہ کے سربراہ نے پاک فضائیہ کے سربراہ سے ملاقات میں جے ایف 17 تھنڈر کی ممکنہ خریداری، فضائی بیڑے کی دیکھ بھال اور ایئر ڈیفنس سسٹم میں تعاون پر بات چیت کی۔
اینٹی نارکوٹکس فورس نے ملک بھر میں منشیات سمگلنگ کے خلاف بڑی کارروائیاں کرتے ہوئے 15 کروڑ روپے سے زائد مالیت کی چرس، ہیروئن اور کوکین برآمد کرلی، دو ملزمان کو گرفتار کر لیا گیا۔
شہباز شریف حکومت نے بجلی صارفین کو مزید ریلیف دینے کا فیصلہ کرلیا، آئی ایم ایف کی شرط پر عائد کیپٹو پاور لیوی سے بجلی کے نرخ کم کرنے کا منصوبہ تیار کر لیا گیا ہے۔
پشاور میں آٹے کی قیمت میں اچانک بڑا اضافہ ریکارڈ کیا گیا ہے، جہاں ایک ہفتے کے دوران 20 کلو آٹے کا تھیلا 400 روپے مہنگا ہو گیا، آٹا ڈیلرز نے مزید اضافے کا خدشہ ظاہر کر دیا۔
کراچی کی عدالت نے مصطفیٰ عامر قتل کیس کے مرکزی ملزم ارمغان عرف ارمی کی غیر قانونی کال سینٹر چلانے سے متعلق پیکا ایکٹ کے مقدمے میں ضمانت منظور کر لی، عدالت نے ایک لاکھ روپے کے مچلکے جمع کرانے کا حکم دیا۔
کراچی میں دہشت گردی کا بڑا منصوبہ ناکام بنا دیا گیا، سیکیورٹی اداروں نے انٹیلی جنس بیسڈ کارروائی میں 3 دہشت گرد گرفتار کر کے شہر کو ممکنہ تباہی سے بچا لیا۔
امریکی صدر ڈونلڈ ٹرمپ نے روسی تیل کی خریداری محدود نہ کرنے کی صورت میں بھارت پر مزید ٹیرف عائد کرنے کی دھمکی دے دی۔ واشنگٹن اور نئی دہلی کے درمیان تجارتی مذاکرات تاحال کسی نتیجے پر نہیں پہنچ سکے۔
لکی مروت کے علاقے نواردہ خیل میں سیمنٹ فیکٹری کے کارکنوں کو لے جانے والی بس پر بم دھماکے سے ایک شخص جاں بحق جبکہ دو خواتین سمیت 9 افراد زخمی ہوگئے۔ پولیس کے مطابق حملہ فتنہ الخوارج سے تعلق رکھنے والے دہشت گردوں نے کیا۔
ایبٹ آباد گلیات میں چند روز سے جاری برفباری کا سلسلہ رک گیا ہے تاہم سرد ہواؤں اور بادلوں کے باعث سردی کی شدت برقرار ہے، گزشتہ دو دنوں میں 40 ہزار سیاح گلیات پہنچ گئے۔
نائب وزیراعظم اور وزیر خارجہ اسحاق ڈار کے دورہ بیجنگ کے دوران پاکستان اور چین نے پاک چین اقتصادی راہداری (سی پیک) سمیت مختلف شعبوں میں تعاون کو نئی جہت دینے پر اتفاق کیا ہے۔ اعلیٰ سطحی ملاقاتوں میں دوطرفہ تعلقات، علاقائی صورتحال، پارٹی ٹو پارٹی روابط اور سفارتی تعلقات کی 75ویں سالگرہ کو شایانِ شان انداز میں منانے کے عزم کا اعادہ کیا گیا۔
فیصل آباد کے علاقے 232 ر-ب باوے والا میں ڈوگر ویلفیئر ٹرسٹ کے زیرِ اہتمام رمضان آرائیں میموریل فری آئی میڈیکل کیمپ منعقد ہوا، جہاں درجنوں مستحق مریضوں کو آنکھوں کے مفت معائنے، ادویات اور موتیا کے کامیاب آپریشنز کی سہولت فراہم کی گئی۔
سال 2025 کے دوران محکمہ پاسپورٹس نے 55 لاکھ سے زائد پاسپورٹس جاری کر کے کئی سال بعد نیا ریکارڈ قائم کر دیا، 24 گھنٹے دفاتر کھلے رہنے سے عوام کو بڑی سہولت ملی۔
کراچی گیس بندش کی خبر نے شہریوں میں تشویش پیدا کر دی تھی، تاہم سوئی سدرن نے وضاحت جاری کرتے ہوئے مکمل گیس بندش کی تردید کر دی۔
نادرا نے پنجاب بھر کے 4500 سے زائد ہسپتالوں اور دیہی مراکز صحت کو پیدائش و وفات کے جدید رجسٹریشن سسٹم سے منسلک کرنے کا ہدف مقرر کر دیا ہے، جس سے شہریوں کو بروقت اور آسان اندراج کی سہولت حاصل ہوگی۔
پی آئی اے نے رمضان المبارک کے دوران پروازوں میں افطار کی سہولت فراہم کرنے کے لیے کھجوروں اور جوس کی خریداری کا ٹینڈر جاری کر دیا، جس کے تحت لاکھوں مسافروں کو دورانِ پرواز افطار فراہم کی جائے گی۔
ماہر فلکیات ڈاکٹر فہیم ہاشمی نے رمضان المبارک، عیدالفطر اور عیدالاضحیٰ 2026 کی ممکنہ تاریخوں سے متعلق فلکیاتی پیشگوئی کر دی ہے۔ ان کے مطابق پاکستان میں رمضان کا چاند 18 فروری کو نظر آنے اور یکم رمضان 19 فروری کو ہونے کا امکان ہے، جبکہ عیدالفطر 21 مارچ اور عیدالاضحیٰ 27 مئی کو متوقع ہے۔
کسٹمز انفورسمنٹ کوئٹہ نے خفیہ اطلاعات کی بنیاد پر قلات میں بڑی کارروائی کرتے ہوئے 25 کروڑ 13 لاکھ روپے مالیت کا اسمگل شدہ غیر ملکی چھالیہ اور کپڑا ضبط کر لیا۔ یہ کارروائی قانون نافذ کرنے والے اداروں اور ضلعی انتظامیہ کی معاونت سے کی گئی۔ حکام کے مطابق ڈاکٹر کرم الٰہی کی قیادت میں اسمگلنگ کے خلاف سخت اقدامات کے باعث قومی خزانے کو اربوں روپے کا فائدہ پہنچ رہا ہے، جبکہ ایف بی آر نے اس عزم کا اعادہ کیا ہے کہ اسمگلنگ کے خلاف بلاامتیاز کارروائیاں جاری رہیں گی۔
پاکستان ایئر فورس نے مقامی طور پر تیار کردہ جدید تیمور ائیر لانچڈ کروز میزائل کا کامیاب فلائٹ ٹیسٹ کر لیا ہے۔ آئی ایس پی آر کے مطابق یہ میزائل 600 کلومیٹر تک زمینی اور بحری اہداف کو نشانہ بنانے کی صلاحیت رکھتا ہے اور کم بلندی پر پرواز کرتے ہوئے دشمن کے ائیر اور میزائل ڈیفنس سسٹمز کو چکمہ دینے میں مؤثر ہے۔ فلائٹ ٹیسٹ کا مشاہدہ پاک افواج کے سینئر افسران اور سائنسدانوں نے کیا جبکہ ایئر چیف مارشل ظہیر احمد بابر سدھو اور صدرِ مملکت آصف علی زرداری نے کامیاب تجربے پر سائنسدانوں اور انجنیئرز کو خراجِ تحسین پیش کیا۔
وفاقی کابینہ نے اسلام آباد میں پنجاب طرز کے بلدیاتی انتخابات کے لیے قانون سازی کی منظوری دے دی ہے، جس کے بعد دارالحکومت میں بلدیاتی انتخابات ایک بار پھر ملتوی ہو گئے۔ کابینہ نے اسلام آباد لوکل گورنمنٹ قانون میں ترمیم کے لیے آرڈیننس لانے کا فیصلہ کیا ہے، جس کے تحت وارڈز کی تعداد میں اضافہ کیا جائے گا۔
کوہاٹ کے ٹال بلاک سے یومیہ 1.58 ایم ایم ایس سی ایف ڈی گیس کی دریافت نے پاکستان کے توانائی شعبے میں نئی امید پیدا کر دی، پی پی ایل کے مطابق مستقبل میں مزید ذخائر ملنے کے امکانات روشن ہیں۔
کراچی میں برائلر گوشت کی قیمتوں میں اضافے کا سلسلہ تھم نہ سکا، صرف ایک دن میں 7 روپے اضافہ ہو گیا، جس کے بعد برائلر گوشت 591 روپے فی کلوگرام کی ریکارڈ قیمت پر فروخت ہو رہا ہے، جب کہ صافی گوشت 700 روپے فی کلو تک جا پہنچا۔
کوئٹہ میں آٹے کی قیمت میں ایک بار پھر اضافہ ریکارڈ کیا گیا ہے، جہاں آٹا 110 روپے فی کلو سے بڑھ کر 120 روپے فی کلو فروخت ہونے لگا ہے۔ ڈیلرز کے مطابق 50 کلو آٹے کے تھیلے کی قیمت میں 500 روپے اضافہ ہوا ہے۔
| فجر | 04:59 AM |
| طلوع آفتاب | 06:23 AM |
| ظہر | 11:52 AM |
| عصر | 02:56 PM |
| مغرب | 05:20 PM |
| عشاء | 06:44 PM |