رپورٹس کے مطابق ایران میں بڑھتے ہوئے احتجاج اور حکومتی دباؤ کے پیشِ نظر آیت اللہ علی خامنہ ای نے ’’پلان بی‘‘ تیار کر لیا ہے، جس کے تحت انتہائی حالات میں وہ روس منتقل ہو سکتے ہیں۔
کراچی کی عدالت نے مصطفیٰ عامر قتل کیس کے مرکزی ملزم ارمغان عرف ارمی کی غیر قانونی کال سینٹر چلانے سے متعلق پیکا ایکٹ کے مقدمے میں ضمانت منظور کر لی، عدالت نے ایک لاکھ روپے کے مچلکے جمع کرانے کا حکم دیا۔
آئی ایم ایف کی جانب سے گورننس کی خامیوں کی نشاندہی کے بعد وزیراعظم نے اقتصادی گورننس سسٹمز کو بہتر بنانے کے لیے 15 رکنی کمیٹی تشکیل دے دی، جو سہ ماہی بنیادوں پر وزیراعظم کو رپورٹ پیش کرے گی۔
لکی مروت کے علاقے نواردہ خیل میں سیمنٹ فیکٹری کے کارکنوں کو لے جانے والی بس پر بم دھماکے سے ایک شخص جاں بحق جبکہ دو خواتین سمیت 9 افراد زخمی ہوگئے۔ پولیس کے مطابق حملہ فتنہ الخوارج سے تعلق رکھنے والے دہشت گردوں نے کیا۔
نائب وزیراعظم اور وزیر خارجہ اسحاق ڈار کے دورہ بیجنگ کے دوران پاکستان اور چین نے پاک چین اقتصادی راہداری (سی پیک) سمیت مختلف شعبوں میں تعاون کو نئی جہت دینے پر اتفاق کیا ہے۔ اعلیٰ سطحی ملاقاتوں میں دوطرفہ تعلقات، علاقائی صورتحال، پارٹی ٹو پارٹی روابط اور سفارتی تعلقات کی 75ویں سالگرہ کو شایانِ شان انداز میں منانے کے عزم کا اعادہ کیا گیا۔
وفاقی وزیر داخلہ محسن نقوی نے منی لانڈرنگ، جعلی ادویات اور انسانی اسمگلنگ میں ملوث مافیا کے خلاف زیرو ٹالرنس پالیسی اپناتے ہوئے ایف آئی اے کو بلاامتیاز کارروائی کا حکم دے دیا۔
خیبرپختونخوا کے اضلاع لکی مروت اور بنوں میں دہشت گردی کے دو واقعات میں ٹریفک پولیس کے تین اہلکار اور ایک پولیس کانسٹیبل شہید ہو گئے۔ لکی مروت کے علاقے سرائے نورنگ میں ڈیوٹی پر مامور اہلکاروں پر موٹر سائیکل سوار دہشت گردوں نے فائرنگ کی، جبکہ بنوں میں کانسٹیبل کو گھر سے ڈیوٹی جاتے ہوئے نشانہ بنایا گیا۔ پولیس نے دونوں واقعات کے بعد سرچ آپریشن شروع کر دیا ہے۔
وینزویلا کے صدر نکولس مادورو اور ان کی اہلیہ سیلیا فلورس کو امریکی اسپیشل فورسز نے ایک ڈرامائی کارروائی کے دوران حراست میں لے کر نیویارک منتقل کر دیا۔ امریکی صدر ڈونلڈ ٹرمپ نے دعویٰ کیا ہے کہ یہ اقدام وینزویلا میں منصفانہ اور محفوظ انتقالِ اقتدار کے لیے اٹھایا گیا ہے۔ کارروائی کے دوران کاراکاس میں بجلی بند رہی اور فوجی تنصیبات کو نشانہ بنایا گیا۔ مادورو پر نارکو دہشت گردی سمیت متعدد وفاقی الزامات عائد کیے گئے ہیں، جبکہ وینزویلا کی حکومت نے اس کارروائی کو اغوا قرار دیتے ہوئے شدید ردعمل ظاہر کیا ہے۔ ٹرمپ نے وینزویلا کے وسیع تیل کے ذخائر میں امریکی کمپنیوں کی دلچسپی کا بھی کھل کر اظہار کیا ہے۔
کسٹمز انفورسمنٹ کوئٹہ نے خفیہ اطلاعات کی بنیاد پر قلات میں بڑی کارروائی کرتے ہوئے 25 کروڑ 13 لاکھ روپے مالیت کا اسمگل شدہ غیر ملکی چھالیہ اور کپڑا ضبط کر لیا۔ یہ کارروائی قانون نافذ کرنے والے اداروں اور ضلعی انتظامیہ کی معاونت سے کی گئی۔ حکام کے مطابق ڈاکٹر کرم الٰہی کی قیادت میں اسمگلنگ کے خلاف سخت اقدامات کے باعث قومی خزانے کو اربوں روپے کا فائدہ پہنچ رہا ہے، جبکہ ایف بی آر نے اس عزم کا اعادہ کیا ہے کہ اسمگلنگ کے خلاف بلاامتیاز کارروائیاں جاری رہیں گی۔
امریکی صدر ڈونلڈ ٹرمپ نے دعویٰ کیا ہے کہ امریکا نے وینزویلا کے خلاف بڑے پیمانے پر فوجی کارروائی کی ہے، جس کے دوران صدر نکولس مادورو اور ان کی اہلیہ کو گرفتار کر کے ملک سے باہر منتقل کر دیا گیا۔ ٹرمپ کے مطابق یہ آپریشن امریکی قانون نافذ کرنے والے اداروں کے تعاون سے مکمل ہوا، جبکہ مزید تفصیلات آج مار اے لاگو میں ہونے والی پریس کانفرنس میں فراہم کی جائیں گی۔ تاہم اس دعوے کی آزاد ذرائع سے تاحال تصدیق نہیں ہو سکی۔
وزیراعلیٰ خیبرپختونخوا محمد سہیل آفریدی نے واضح کیا ہے کہ پاکستان تحریک انصاف کے بانی عمران خان نے انہیں اسٹیبلشمنٹ سے بات چیت کا کوئی ٹاسک نہیں دیا، تاہم وہ صوبائی معاملات پر اسٹیبلشمنٹ سے رابطے اور تعلقات بہتر بنانے کے لیے تیار ہیں۔ انہوں نے ضم اضلاع کے بقایاجات، وفاقی واجبات، امن و امان، کرپشن کے خاتمے اور بانی پی ٹی آئی کی رہائی سے متعلق بھی تفصیلی موقف اختیار کیا۔
وفاقی کابینہ نے اسلام آباد میں پنجاب طرز کے بلدیاتی انتخابات کے لیے قانون سازی کی منظوری دے دی ہے، جس کے بعد دارالحکومت میں بلدیاتی انتخابات ایک بار پھر ملتوی ہو گئے۔ کابینہ نے اسلام آباد لوکل گورنمنٹ قانون میں ترمیم کے لیے آرڈیننس لانے کا فیصلہ کیا ہے، جس کے تحت وارڈز کی تعداد میں اضافہ کیا جائے گا۔
اسلام آباد کی انسداد دہشت گردی عدالت نے 9 مئی 2023 کے فسادات سے متعلق مقدمات میں یوٹیوبر عادل راجا، صحافی وجاہت سعید خان، صابر شاکر، شاہین صہبائی، اینکر حیدر رضا مہدی، تجزیہ کار معید پیرزادہ اور سابق فوجی افسر اکبر حسین کو ریاستی اداروں کے خلاف ڈیجیٹل دہشت گردی، پاکستان کے خلاف جنگ چھیڑنے اور مجرمانہ سازش کے الزامات میں دو، دو عمر قید کی سزائیں سنا دیں۔
امریکی صدر ڈونلڈ ٹرمپ نے خبردار کیا ہے کہ اگر ایران میں پرامن مظاہرین پر فائرنگ یا تشدد کے ذریعے ہلاکتیں ہوئیں تو امریکا مداخلت کرے گا۔ یہ بیان ایسے وقت میں سامنے آیا ہے جب ایران میں مہنگائی، معاشی بدحالی اور کرنسی بحران کے خلاف گزشتہ تین برس کی سب سے بڑی احتجاجی تحریک جاری ہے۔
ایف بی آر نے دسمبر 2025 میں 1427 ارب روپے ٹیکس وصول کر کے نیا ریکارڈ قائم کر دیا۔ وزیر خزانہ نے کارکردگی کو سراہتے ہوئے مزید بہتری کی ہدایت جاری کر دیں۔
فیلڈ مارشل سید عاصم منیر، چیف آف آرمی اسٹاف اور چیف آف ڈیفنس فورسز نے کہا ہے کہ بلوچستان پاکستان کی خوشحالی اور ترقی میں کلیدی کردار رکھتا ہے۔ جی ایچ کیو میں 18ویں نیشنل ورکشاپ آن بلوچستان کے شرکاء سے گفتگو کرتے ہوئے انہوں نے عوامی فلاح، ترقیاتی اقدامات، بھارتی حمایت یافتہ عناصر کی سرگرمیوں اور صوبے میں امن و استحکام کے لیے سیکیورٹی فورسز کے پختہ عزم پر روشنی ڈالی۔
وزیراعلیٰ خیبر پختونخوا سہیل آفریدی نے 9 جنوری کو کراچی اور سندھ کے دورے کا اعلان کر دیا ہے۔ وزیراعلیٰ کے مطابق وہ بانی چیئرمین پاکستان تحریک انصاف عمران خان کا پیغام لے کر کراچی پہنچیں گے، جہاں وہ پارٹی رہنماؤں اور کارکنان سے ملاقاتیں کریں گے۔ اس دورے کو پی ٹی آئی کی سیاسی سرگرمیوں کے حوالے سے اہم قرار دیا جا رہا ہے۔
دفتر خارجہ نے کہا ہے کہ پاکستان یمن کے تنازع کے پُرامن حل کی حمایت کرتا ہے اور خطے میں استحکام کے لیے جاری سفارتی کوششوں کو خوش آئند قرار دیتا ہے۔ ہفتہ وار بریفنگ میں ترجمان دفتر خارجہ طاہر اندرابی نے پاکستان اور بھارت کے درمیان قیدیوں کے تبادلے، پاک سعودی روابط، چین اور افغانستان سے متعلق مؤقف اور سندھ طاس معاہدے پر پاکستان کے مطالبات سے بھی آگاہ کیا۔
ولی عہد محمد بن سلمان سے ٹیلی فونک گفتگو، وزیراعظم شہباز شریف کا پاک سعودی تعلقات مزید مضبوط بنانے کا عزم
ایف بی آر رواں مالی سال کی پہلی ششماہی کا ہدف حاصل کرنے میں ناکام، شارٹ فال 321 ارب روپے تک پہنچ گیا۔
خالدہ ضیا کی نمازِ جنازہ کے موقع پر ڈھاکا میں پاک بھارت اعلیٰ رہنماؤں کے درمیان غیر رسمی ملاقات ہوئی، جہاں بھارتی وزیر خارجہ جے شنکر نے اسپیکر ایاز صادق سے مصافحہ کیا۔
یو این ایف پی اے کے مطابق پاکستان 2026 میں 22 کروڑ 50 لاکھ آبادی کے ساتھ دنیا کا پانچواں بڑا ملک بن جائے گا، جس کے لیے آبادی پالیسیوں میں بنیادی اصلاحات ناگزیر قرار دی گئی ہیں۔
باجوڑ میں منشیات فروشوں سے تعلق پر 6 پولیس اہلکار معطل، کراچی میں تین ملزمان سے بھاری مقدار میں نشہ آور اشیاء اور کلاشن کوف برآمد۔
اقوام متحدہ نے افغانستان کے لیے امداد کے 9 کنٹینرز روانہ کر دیے، 11 اکتوبر سے بند بارڈر پر کلیئرنس کی تیاریاں
وزیراعظم شہباز شریف نے یو اے ای کے صدر محمد بن زاید سے ملاقات میں دفاعی و معاشی تعاون پر گفتگو کی۔
| فجر | 04:53 AM |
| طلوع آفتاب | 06:16 AM |
| ظہر | 11:53 AM |
| عصر | 03:03 PM |
| مغرب | 05:29 PM |
| عشاء | 06:52 PM |