زیارت حملے کے 21 شہداء کی میتیں لواحقین اور مظاہرین سول اسپتال کوئٹہ سے احتجاجی دھرنے میں لے گئے۔ مظاہرین نے وزیراعظم اور آرمی چیف سے مذاکرات تک تدفین نہ کرنے اور دھرنا جاری رکھنے کا اعلان کیا ہے۔
ایران نے علی خامنہ ای کی رہائش گاہ کی نئی ویڈیو جاری کردی ہے جس میں حملے کے بعد ہونے والی تباہی کو دکھایا گیا ہے۔ ویڈیو تدفین کے موقع پر منظر عام پر آئی۔
اورماڑہ کے قریب کارگو طیارہ حادثے کے بعد پاک بحریہ اور پاکستان میری ٹائم سکیورٹی ایجنسی کا سرچ اینڈ ریسکیو آپریشن مسلسل جاری ہے۔ پانچ رکنی عملے کا تاحال سراغ نہیں مل سکا جبکہ تلاش کا دائرہ مزید وسیع کر دیا گیا ہے۔
ایران کے شہید رہبر اعلیٰ آیت اللہ سید علی خامنہ ای اور ان کے اہلخانہ کی تدفین آج مشہد مقدس میں روضہ امام رضاؑ کے احاطے میں کی جائے گی۔ عراق اور ایران میں لاکھوں سوگواران نے نماز جنازہ اور آخری رسومات میں شرکت کی۔
شارجہ سے کراچی آنے والا K2 ایئرویز کا کارگو طیارہ اورماڑہ کے قریب حادثے کا شکار ہوگیا۔ پاک بحریہ اور پی ایم ایس اے نے 12 گھنٹے سے زائد سرچ آپریشن کے بعد طیارے کا ملبہ برآمد کرلیا جبکہ عملے کے پانچ ارکان کی تلاش جاری ہے۔
فیلڈ مارشل سید عاصم منیر نے نیشنل ڈیفنس یونیورسٹی اسلام آباد میں گریجویٹنگ افسران سے خطاب کرتے ہوئے قومی سلامتی، ہائبرڈ جنگ، دہشت گردی اور جدید عسکری چیلنجز پر اظہار خیال کیا۔
بلوچستان میں سیکیورٹی فورسز نے این-25 شاہراہ پر دہشت گردوں کے خلاف کامیاب آپریشن کرتے ہوئے 19 دہشتگرد ہلاک کر دیے جبکہ کارروائی کے دوران 11 اہلکار شہید ہوگئے۔
ڈی جی آئی ایس پی آر لیفٹیننٹ جنرل احمد شریف چوہدری نے کہا ہے کہ بلوچستان میں دہشت گرد حملوں کے پیچھے بھارت ہے، جسے پاکستان کی خوشحالی قبول نہیں۔ گزشتہ چار روز میں دہشت گردی کے تین واقعات میں 54 دہشت گرد ہلاک جبکہ 42 افراد جان سے گئے۔
امریکی صدر ڈونلڈ ٹرمپ نے کہا ہے کہ وہ ایران کے ساتھ مزید کوئی ڈیل نہیں کرنا چاہتے اور ان کے خیال میں دونوں ممالک کے درمیان ایم او یو بھی ختم ہو چکا ہے۔ ان کے بیان کے بعد عالمی منڈی میں تیل کی قیمتوں میں تقریباً 5 فیصد اضافہ ریکارڈ کیا گیا۔
وفاقی کابینہ نے پاکستان ایگری کلچرل اسٹوریج اینڈ سروسز کارپوریشن (پاسکو) کو دسمبر تک ختم کرنے کی منظوری دے دی۔ ملازمین کے لیے 4 ارب 18 کروڑ روپے کے پیکیج، گندم ذخائر کی نیلامی اور ادارے کی بندش سے متعلق اہم فیصلے بھی کیے گئے۔
سندھ حکومت نے ایشیائی ترقیاتی بینک کے تعاون سے تمام تعلیمی بورڈز میں ای مارکنگ، ڈیجیٹل امتحانی نظام، آئی ٹی ٹریننگ اور جدید آلات فراہم کرنے کا فیصلہ کر لیا۔
شارجہ سے کراچی آنے والا کارگو طیارہ ایئر ٹریفک کنٹرول سے رابطہ منقطع ہونے کے بعد لاپتا ہوگیا۔ کمپنی کے مطابق طیارے میں پائلٹ سمیت پانچ افراد سوار تھے جبکہ سمندر میں سرچ اینڈ ریسکیو آپریشن جاری ہے۔
کورکمانڈرز کانفرنس 276 میں قومی سلامتی، دہشت گردی کے خلاف انٹیلی جنس بیسڈ کارروائیوں، جدید دفاعی حکمت عملی، کشمیر، سندھ طاس معاہدے اور علاقائی استحکام پر اہم فیصلوں اور قومی عزم کا اظہار کیا گیا۔
شارجہ سے کراچی آنے والا کے ٹو ایئرویز کا کارگو طیارہ KTA1732 دورانِ پرواز لاپتا ہوگیا۔ پاکستان ائیرپورٹس اتھارٹی کے مطابق طیارے سے رابطہ منقطع ہونے کے بعد سمندر میں سرچ اینڈ ریسکیو آپریشن جاری ہے۔
امریکی صدر ڈونلڈ ٹرمپ نے ترکیہ پر عائد پابندیاں ختم کرنے کا اعلان کرتے ہوئے ایف-35 لڑاکا طیاروں کی فروخت پر بھی مثبت اشارہ دیا۔ اسرائیل نے فیصلے پر تحفظات کا اظہار کردیا۔
بھارتی ریاست کیرالہ کے ضلع وایناڈ میں شدید بارشوں کے باعث خوفناک لینڈ سلائیڈنگ ہوئی، جس کی دل دہلا دینے والی ویڈیو وائرل ہوگئی۔ ملبے میں بہنے والے کئی افراد معجزانہ طور پر محفوظ رہے جبکہ امدادی کارروائیاں جاری ہیں۔
وزیراعلیٰ پنجاب مریم نواز نے "اپنا کھیت اپنا روزگار” اسکیم کے تحت 30 ہزار بے زمین خاندانوں میں ایک لاکھ 21 ہزار ایکڑ زرعی زمین تقسیم کرنے کا اعلان کردیا، مستحق کسانوں کو صرف 100 روپے سالانہ لیز پر چار ایکڑ زمین اور 2 لاکھ روپے مالی امداد بھی دی جائے گی۔
اسلام آباد میں خاتون کو بچانے کی کوشش کے دوران شہید ہونے والے پاک فضائیہ کے گروپ کیپٹن عاصم طارق کو مکمل فوجی اعزاز کے ساتھ سپردِ خاک کر دیا گیا۔ نمازِ جنازہ میں پاک فضائیہ کے سربراہ، اعلیٰ عسکری حکام، افسران، جوانوں اور شہریوں کی بڑی تعداد نے شرکت کی۔
پاکستان کسٹمز نے کراچی انٹرنیشنل میل آفس میں کارروائی کرتے ہوئے تھائی لینڈ سے آنے والے پارسلز سے 12 کلوگرام چرس برآمد کر لی، جس کی مالیت 36 کروڑ 62 لاکھ روپے بتائی جا رہی ہے۔
بلوچستان کے ضلع زیارت میں پولیس چوکی پر مسلح حملے کے نتیجے میں 9 اہلکار شہید ہوگئے، جبکہ سکیورٹی فورسز کے کلیئرنس آپریشن میں 15 دہشت گرد مارے گئے۔ حکام کے مطابق مغوی اہلکاروں کی بازیابی اور علاقے میں سرچ آپریشن جاری ہے۔
امریکی صدر ڈونلڈ ٹرمپ نیٹو سربراہی اجلاس میں شرکت کے لیے انقرہ روانہ ہوگئے ہیں، جہاں وہ ترک صدر رجب طیب اردوان سمیت یوکرین کے صدر ولادیمیر زیلنسکی اور شام کے صدر احمد الشرع سے بھی ملاقات کریں گے۔
وزیراعظم شہباز شریف نے آج سہ پہر 3 بجے وفاقی کابینہ کا اہم اجلاس طلب کر لیا ہے، جس میں ملک کی معاشی، سیاسی، سیکیورٹی صورتحال، قومی سلامتی اور مختلف وزارتوں کی سمریوں پر غور کیا جائے گا۔
فیلڈ مارشل سید عاصم منیر کی زیر صدارت 276ویں کور کمانڈرز کانفرنس میں بھارت کی ہائبرڈ وارفیئر، دہشت گردی، افغان سرزمین کے استعمال، سندھ طاس معاہدے اور کشمیر سمیت قومی سلامتی کے اہم امور پر تفصیلی غور کیا گیا۔
حماس نے غزہ میں حکومتی امور چلانے والی ایمرجنسی کمیٹی تحلیل کرتے ہوئے اختیارات نیشنل کمیٹی فار دی ایڈمنسٹریشن آف غزہ کے سپرد کرنے کا اعلان کر دیا۔ نئی عبوری انتظامیہ جنگ کے بعد بنیادی شہری خدمات سنبھالے گی۔
جنوبی لبنان میں اسرائیلی ڈرون حملے کے نتیجے میں ایک گاڑی کو نشانہ بنایا گیا، جس میں 3 خواتین سمیت 4 افراد جاں بحق ہوگئے۔ حملہ جنگ بندی اور امریکی ثالثی میں طے پانے والے فریم ورک معاہدے کے باوجود کیا گیا۔
| فجر | 04:52 AM |
| طلوع آفتاب | 06:15 AM |
| ظہر | 11:53 AM |
| عصر | 03:05 PM |
| مغرب | 05:31 PM |
| عشاء | 06:54 PM |