محسن نقوی اور شرجیل میمن کی ملاقات میں امن و امان، منشیات کے خاتمے، بین الصوبائی تعاون اور عوامی مسائل کے حل کے لیے وفاق اور سندھ حکومت کے درمیان رابطوں کو مزید مضبوط بنانے پر اتفاق کیا گیا۔
وفاقی حکومت 10 جون کو 17.1 ٹریلین روپے حجم کا بجٹ پیش کرے گی۔ معاشی شرح نمو کا ہدف 4.1 فیصد، مہنگائی 8.4 فیصد اور سرکاری ملازمین کی تنخواہوں و پنشن میں 7 سے 10 فیصد اضافے کی تجویز زیر غور ہے۔
اسلام آباد کے نیو بلیو ایریا میں داخلے اور سروس روڈ کے استعمال پر 100 روپے فیس وصول کرنے کے اقدام کے خلاف اسلام آباد ہائیکورٹ میں درخواست دائر کر دی گئی ہے، جس میں اس اقدام کو غیر قانونی قرار دینے کی استدعا کی گئی ہے۔
وزیراعظم شہباز شریف نے معروف صنعتکاروں اور کاروباری شخصیات سے ملاقات میں کہا ہے کہ حکومت آئندہ بجٹ میں عوام کو ریلیف فراہم کرنے، غیر رسمی معیشت کو ٹیکس نیٹ میں لانے اور سرمایہ کاری کے فروغ کے لیے اہم اقدامات کر رہی ہے۔
عیدالاضحیٰ کی چھٹیوں میں پاکستان ریلوے نے ریکارڈ 90 کروڑ 30 لاکھ روپے سے زائد آمدن حاصل کی، جبکہ 4 لاکھ کے قریب مسافروں نے ٹرینوں کے ذریعے سفر کیا۔
وزیراعظم شہباز شریف کی زیرصدارت قومی اقتصادی کونسل کا اجلاس کل ہوگا، جس میں 4715 ارب روپے کے ترقیاتی بجٹ اور پی ایس ڈی پی میں 200 ارب روپے اضافے کی منظوری متوقع ہے۔
مشرق وسطیٰ میں جاری کشیدگی کے اثرات پاکستان کے توانائی شعبے پر بھی پڑنے لگے ہیں۔ اوگرا نے جون 2026 کیلئے ایل پی جی کی قیمت میں 4.95 روپے فی کلو اضافہ کردیا ہے جس کے بعد 11.8 کلوگرام گھریلو سلنڈر 58 روپے 51 پیسے مہنگا ہوگیا۔
راولپنڈی سے لاہور جانے والی تیز گام ایکسپریس سہالہ اور چک لالہ کے درمیان پٹڑی سے اتر گئی، خوش قسمتی سے کوئی جانی نقصان نہیں ہوا۔
وفاقی وزیر توانائی اویس لغاری نے واضح کیا ہے کہ 200 یونٹ سے کم بجلی استعمال کرنے والے مستحق صارفین کی سبسڈی ختم نہیں کی جا رہی۔ صارفین کے میٹرز کو QR کوڈ سے منسلک کیا جائے گا تاکہ مستحق افراد کی درست نشاندہی کی جا سکے۔ حکومت کے مطابق توانائی اصلاحات، آئی پی پیز معاہدوں پر نظرثانی اور ڈسکوز نقصانات میں کمی سے اربوں روپے کی بچت ہوئی ہے۔
ملک کے بیشتر علاقوں میں گرمی اور خشکی برقرار رہے گی جبکہ جنوبی پنجاب، بلوچستان اور چند دیگر علاقوں میں تیز ہواؤں، آندھی اور گرج چمک کے ساتھ بارش کا امکان ظاہر کیا گیا ہے۔
آئی ایم ایف نے پاکستان کو آئندہ بجٹ میں جنرل سیلز ٹیکس (GST) کی شرح 18 فیصد سے بڑھا کر 19 فیصد کرنے کی تجویز دے دی۔ تجویز پر عمل درآمد کی صورت میں سولر پینلز، الیکٹرک گاڑیوں اور ہائبرڈ وہیکلز کی قیمتوں میں نمایاں اضافہ ہو سکتا ہے۔
سعودی عرب سے فریضۂ حج کی ادائیگی کے بعد پاکستانی حجاج کرام کی وطن واپسی کا سلسلہ شروع ہو رہا ہے۔ کراچی کے جناح انٹرنیشنل ائیرپورٹ پر پہلی بعد از حج پرواز یکم جون بروز پیر کی دوپہر ایک بج کر پانچ منٹ پر لینڈ کرے گی۔ ائیر سیال کی اس فلائٹ کے مسافروں کا استقبال صوبائی و وفاقی وزراء اور ڈائریکٹر حج پھولوں کے ہار پہنا کر کریں گے۔ حج ڈائریکٹریٹ نے آمد کے تمام انتظامات مکمل کر لیے ہیں۔
پاکستان میں سولر انرجی استعمال کرنے والے صارفین کے لیے بری خبر، آئندہ مالی سال کے وفاقی بجٹ میں سولر پینلز پر سیلز ٹیکس 10 فیصد سے بڑھا کر 18 فیصد کرنے کی تجاویز پر غور شروع کر دیا گیا ہے۔ آئی ایم ایف کے مطالبات کے تحت ٹیکس استثنیٰ ختم ہونے سے ملک میں سولر پینلز کی قیمتوں میں اضافہ کا قوی امکان ہے، جس سے سولر سسٹمز کی مجموعی لاگت بڑھ جائے گی اور متبادل توانائی کا فروغ متاثر ہوگا۔
نائب وزیراعظم اور وزیر خارجہ اسحاق ڈار نے واشنگٹن میں صحافیوں سے گفتگو کرتے ہوئے ابراہیمی معاہدے پر پاکستان کا مؤقف دوٹوک انداز میں پیش کر دیا ہے۔ انہوں نے واضح کیا کہ جب تک القدس الشریف دارالحکومت کے ساتھ آزاد فلسطینی ریاست قائم نہیں ہوتی، پاکستان کسی معاہدے پر لچک نہیں دکھائے گا۔ انہوں نے ایران امریکہ مذاکرات میں پاکستان کے ثالثی کردار اور مسئلہ کشمیر پر بھی تفصیلی روشنی ڈالی۔
بیجنگ میں وزیراعظم شہباز شریف اور چینی صدر شی جن پنگ کی اہم ملاقات۔ مشرق وسطیٰ میں امن کیلئے پاکستان کا تعمیری کردار سراہا گیا، 15 معاہدوں پر دستخط۔ تفصیلات جانیے۔
پاکستان اور چین کے درمیان 7 ارب ڈالر سے زائد مالیت کے معاہدوں اور مفاہمتی یادداشتوں پر دستخط ہوگئے۔ وزیراعظم شہباز شریف نے چینی کمپنیوں کو پاکستان میں سرمایہ کاری اور صنعتوں کی منتقلی کی دعوت دیتے ہوئے خصوصی اکنامک زونز میں عالمی معیار کی سہولیات کی پیشکش کی۔
وزیراعظم شہباز شریف نے چین میں خطاب کرتے ہوئے کہا ہے کہ پاکستان کو قرضوں کے بجائے سرمایہ کاری اور مہارت کی ضرورت ہے۔ انہوں نے زراعت، آئی ٹی، اکنامک زونز اور مائنز اینڈ منرلز کے شعبوں میں چینی کمپنیوں کو سرمایہ کاری کی دعوت دی۔
شمالی وزیرستان کے علاقے دتہ خیل میں سکیورٹی فورسز نے انٹیلیجنس بیسڈ کارروائی کے دوران 11 خوارج کو ہلاک کر دیا۔ آئی ایس پی آر کے مطابق کارروائی میں دہشتگردوں کے ٹھکانوں کو نشانہ بنایا گیا جبکہ اسلحہ اور گولہ بارود بھی برآمد ہوا۔
کوئٹہ چمن پھاٹک دھماکے کی ابتدائی رپورٹ اہم اجلاس میں پیش، محسن نقوی اور سرفراز بگٹی نے دہشت گردی کے خلاف سخت کارروائی کا عزم دہرایا۔
محکمہ موسمیات نے لاہور میں ہلکی بارش اور بادلوں کی پیشگوئی کر دی، تاہم شدید گرمی اور حبس برقرار رہنے کا امکان ہے۔
پاکستانی ایتھلیٹ مسعود خان نے پشاور سے اسکردو تک تقریباً 800 کلومیٹر نان اسٹاپ دوڑ مکمل کرکے عالمی ریکارڈ قائم کر دیا۔
کوئٹہ میں چمن پھاٹک کے قریب جعفر ایکسپریس میں دھماکے کے نتیجے میں 14 افراد شہید جبکہ متعدد زخمی ہوگئے۔ معاون وزیر اعلیٰ بلوچستان شاہد رند کے مطابق شہداء میں ایف سی کے 3 اہلکار بھی شامل ہیں۔
حکومت نے پیٹرولیم مصنوعات کی قیمتوں میں کمی کا اعلان کر دیا ہے۔ وزارت پیٹرولیم کے مطابق پیٹرول کی قیمت میں 6 روپے جبکہ ہائی اسپیڈ ڈیزل کی قیمت میں 6 روپے 80 پیسے فی لیٹر کمی کی گئی ہے۔
چیف آف ڈیفنس فورسز اور آرمی چیف فیلڈ مارشل سید عاصم منیر تہران پہنچ گئے جہاں وہ ایران امریکا مذاکرات، خطے میں امن و استحکام اور اہم سفارتی امور پر اعلیٰ ایرانی قیادت سے ملاقاتیں کریں گے۔
ترجمان دفتر خارجہ نے واضح کیا ہے کہ امریکا نے ایران پر حملے کیلئے پاکستان سے فضائی حدود استعمال کرنے کی کوئی درخواست نہیں کی
| فجر | 04:59 AM |
| طلوع آفتاب | 06:23 AM |
| ظہر | 11:52 AM |
| عصر | 02:56 PM |
| مغرب | 05:20 PM |
| عشاء | 06:44 PM |